کسٹمز انفورسمنٹ کوئٹہ 23 کروڑ 50 لکھ روپئی مالیت نا نان کسٹم پیڈ گاڈی و اسمگل مروک گڑاضبط کرے

اسلام آباد۔ 25 جنوری (اے پی پی) کلکٹریٹ آف کسٹمز انفورسمنٹ کوئٹہ تینا دنگ اٹی انٹیلی جنس آ تالان چندی کارروائی تیٹی 23 کروڑ 50 لکھ روپئی مالیت نا نان کسٹم پیڈ گاڈی و ایلو اسمگل مروک گڑاتے ضبط کرینے۔ ایف بی آر نا کنڈآن شنبے نادے آ جاری اعلامیہ نا رداٹ ضبط کروک آ گاڈی تیٹی ٹویوٹامارک ایکس، ہونڈا کارڈ، ڈمپر ٹرک ، باؤزرز، ٹریلرز وخت اس کہ ایلو ممنوعہ گڑاتیٹی چھالیہ، ٹیر ، چائنہ سالٹ، سولر بیٹری و چاندی اوار ءُ۔ ضبط مروک گاڈی و گڑاتا مالیت نا کساس بیست ءُ سہ کروڑ پنجا لکھ روپئی خلنگانے۔ دا کارروائی تے پک اودیم حوال آتا بنداو آ کننگا ہرافتا مسخت اسمگلنگ و غیرکانودی واپار نا توننگ ءِ۔ داکارروائی تے پاکستان کسٹمز نا کنڈآن سیم تا سخت چاروکی نا کمک اٹ قومی زرگزران نا رکھ انا عزم انا عکاسی ءِ کیک۔ دا کارروائی تا سرسہبی ٹی بلوچستان اٹی کانود نافذ کروک آ ادارہ غاتا وخت آ کمکاری و ہم گرنچی اہم کڑد اداکرے۔ فیڈرل بورڈ آف ریونیو اسمگلنگ و غیرکانودی واپار نا برخلاف انفورسمنٹ نا سخت گام گیج آتے برجاتخنگ نا عزم انا درشانی ءِ کیک و کانودی کاروبار و قومی زرگزرانی فائدہ غاتا رکھ اکن کانود نافذ کروک آ ادارہ غاتون خڑکی کمکاری ءِ برجاتخنگک۔