مسکوہی وزیراعظم نواز شریف نا مسکوہی پرنسپل سیکرٹری محمد سعید مہدی نا کتاب ‘‘دی آئی وٹنس اسٹینڈنگ ان دی شیڈوآف پاکستان  ہسٹری’’ جاری

اسلام آباد۔ 24 جنوری (اے پی پی) لائٹ اسٹون پبلشرز اسلام آباد اٹی مسکوہی وزیراعظم نواز شریف نا مسکوہی پرنسپل سیکرٹری، مسکوہی چیف سیکرٹری سندھ و سینئر سول سرونٹ محمد سعید مہدی نا کتاب ‘‘دی آئی وٹنس اسٹینڈنگ ان دی شیڈوآف پاکستان ہسٹری’’ ءِ جاری کرے۔ دا کتاب پاکستان نا سیاسی تاریخ نا براہ راست مشاہدہ غا تالان حوال پیش کیک، ہراٹی مصنف نا کنڈآن خڑک آ ہروک آ ملکی تاریخ نا فیصلہ کن لمحہ غاتے کتاب نا دروشم تننگانے۔ لائٹ اسٹون پبلشرز نا منیجنگ ڈائریکٹر امینہ سعید بنائی گپ وتران تون غٹ ءِ بخیرکرے۔ دامصنف نا زند انا تاریخ نا یکا آزموندہ غاتا سوب آن لائٹ اسٹون نا شینک مروک آ سرسہب انگا کتاب آتیان اسٹ ءِ ، خوانوک آتا ردعمل و است خواہی زبردست رہینگانے۔ دادے کتاب آتیٹی داخہ است خواہی ءِ خنسا خوشی مسنے۔ عمیر عزیز سعید ڈائریکٹر لائٹ اسٹون پبلشرز ، سینئر صحافی و سیاسی جاچکار عاصمہ شیرازی دود رونمائی آن تران کرسا دا آپ بیتی ءِ پاکستان نا سیاسی تاریخ نا اسہ اہم راستی تیا تالان ریکارڈ گوندا۔ اوپارے کہ ای اسہ ہی نشست اسے ٹی دادستاویز ءِ خوانانٹ، اوسید مہدی ءِ اسہ ‘‘گچین مروک گواہ’’ اس گوندا ہرا سقوط ڈھاکہ غان ہلیس کارگل اسکان کم و ود ہرنازرک موڑآساڑی ئس، ہراٹی بے وسی، واک و نزوری نا جذباتی سفر ءِ ہُننگا۔