بنجائی وزیر حوالکاری عطاء اللہ تارڑ نا پاکستان پیپلزپارٹی نا راہشون سید حسن مرتضیٰ نا باوہ سید غلام مرتضیٰ شاہ نا کزیت آ ہڑزخواہی کن رجوعہ سادات چنیوٹ آ بس

چنیوٹ۔ 25 جنوری(اے پی پی) بنجائی وزیر حوالکاری و شینکاری عطاء اللہ تارڑ یک شنبے نادے آ پاکستان پیپلزپارٹی نا راہشون سید حسن مرتضیٰ نا باوہ سید غلام مرتضیٰ شاہ نا کزیت آ ہڑزخواہی کن رجوعہ سادات آ ہنا و حسن مرتضیٰ تون اوار ایماندار نا ایلو خاہوت تون ہڑزخواہی و ہمدردی نا درشانی ءِ کرے۔ داوخت آ بنجائی وزیر عطاء اللہ تارڑ ایماندار نا بخشش و درجہ غاتا بڑزی کن دعاکرے۔ عطاء اللہ تارڑ پارے کہ باوہ نا کزیت خاہوت کن بے بدل ءُ نسخان اسے ، باوہ نا دنیا غان ہِننگ ہندن ءُ خلا سے ہرادے پین رشتہ یا وسیلہ اس پُر کننگ کپک۔ اوپارے کہ غم انا داساہت اٹی پدسلوک آخاہوت نا ڈکھیائی ٹی بریبر نا شریک اُن۔ اودعاکرے کہ اللہ تعالیٰ ایماندار ءِ جنت الفردوس اٹی بڑزکو ہند و پدسلوک آتے صبر وجمیل عطاکے۔