صدر مملکت نا ترجمان مرتضیٰ سولنگی نا لاہور پریس کلب نا دورہ

لاہور۔ 25 جنوری (اے پی پی) صدر مملکت نا ترجمان مرتضیٰ سولنگی لاہور پریس کلب نا سالانہ گچین کاری تا وخت آ لاہور پریس کلب نا دورہ ءِ کرے۔ یک شنبے نادے آ ایوان صدر نا پریس ونگ آن جاری بیان نا رداٹ داوخت آ صدر مملکت نا ترجمان مرتضیٰ سولنگی پارے کہ پولنگ نا عمل بھاز شفاف، منظم و جمہوری روایت آتا رداٹ ءِ۔ اوپارے کہ جمہوری روایت آتا مون آ دننگ آجو صحافت نا سوگوی نا ضمانت ءِ۔ لاہور پریس کلب ملک انا صحافی تا اسہ اہم و تاریخی پلیٹ فارم اسے، ہراڑے جمہوری وڑاٹ سرکڑدہ غاتا گچینی ستاکڑزوک ءُ عمل اسے۔ مرتضیٰ سولنگی پارے کہ اومیت ءِ کہ پوسکن گچین مروک آ سرکڑدہ صحافی برادری نا ویل آتا ایسری و آجوئی درشانی نامون آ دننگ کن تینا گچین کڑد ءِ ادا کیک۔