چیئرمین سینیٹ سید یوسف رضاگیلانی نا سید حسن مرتضیٰ نا باوہ نا کزیت آ است ہسونی نا درشان

اسلام آباد۔ 25 جنوری (اے پی پی) چیئرمین سینیٹ سید یوسف رضاگیلانی پاکستان پیپلزپارٹی نا سینئر راہشون و مسکوہی صوبائی اسمبلی نا باسک سید حسن مرتضیٰ نا باوہ نا کزیت آ ڈکھیائی و است ہسونی نا درشانی ءِ کرینے ۔ شنبے نادے آ سینیٹ سیکرٹریٹ آن جاری ہڑزخواہی کلہو اٹی چیئرمین سینیٹ ایماندار نا روح انا ثواب کن دعاکرسا اللہ تعالیٰ آن اونا بخشش ، درجہ غاتا بڑزی و پدسلوک آخاہوت کن صبر وجمیل نا دعاکرے۔ اوپارے کہ لمہ و باوہ اللہ تعالیٰ نا بھاز بھلو نعمت مریرہ، اوفتا سیخا و اوفتا شفقت انسانی کن نایاب مریک۔ لمہ و باوہ نا دنیا غان ہِننگ زند انا اسہ بھاز بھلو صدمہ اس مریک ہرانا دڑد ءِ لوز آتیٹی بیان کننگ و سگنگ بھاز مشکل مریک۔ سید یوسف رضاگیلانی پارے کہ دا مشکل ساہت اٹی او پدسلوک آ خاہوت نا غم اٹی بریبرنا شریک ءِ و دعاکینہ کہ اللہ تعالیٰ ایماندار نا خاہوت ءِ دا صدمہ ءِ سگنگ نا توفیق عطاکے۔ یات سلے کہ سید حسن مرتضیٰ پاکستان پیپلزپارٹی نا سینئر راہشون ءِ ، او مسکوہی صوبائی اسمبلی نا باسک رہینگانے و پنجاب اسمبلی ٹی پاکستان پیپلزپارٹی نا پارلیمانی لیڈر نا حیثیت اٹ ہم خذمت سرتسنے۔ چیئرمین سینیٹ پدسلوک آ خاہوت تون ہڑزخواہی و ہمدردی نا درشانی ءِ کرسا ایماندار کن درجہ غاتا بڑزی نا دعاکرے۔