بنجائی وزیر حوالکاری و شینکاری عطاء اللہ تارڑ نا مسکوہی وزیراعلیٰ پنجاب میاں منظور وٹو نا کزیت آ ہڑزخواہی کن اونا ہنکین آ بس، ایماندار نا روح انا ثوا ب کن دعاپاتیا کرے

لاہور۔ 24 جنوری (اے پی پی) بنجائی وزیر حوالکاری و شینکاری عطاء اللہ تارڑ ہفتہ نادے آ داڑے مسکوہی وزیراعلیٰ پنجاب میاں منظور وٹو نا کزیت آ ہڑزخواہی کن اونا اُراغا ہنا و میاں منظور وٹو نا ارائی و ایلو خاہوت ہرافتے ٹی ڈی جی پیمرا پنجاب عائشہ منظور وٹو، مسکوہی ایم این اے روبینہ وٹو، جہاں آراء وٹو، معظم وٹو، بلال احمد ورک و خرم وٹو ئسک اوار ءُ، تون ڈکھیائی و است ہسونی نا درشانی ءِ کرے۔ بنجائی وزیر میاں منظور وٹو نا روح انا ثواب کن دعاپاتیا و بخشش نا دعاکرے۔ داوخت آ گپ وتران کرسا بنجائی وزیر پارے کہ میاں منظور وٹو اسہ جوان ءُ سیاست دان و السی خذمت نا جوزہ غان پُر ءُ راہشون اس ئس۔ کنا پیرہ مسکوہی صدر مملکت رفیق تارڑ ایماندار تون میاں وٹو نا عزت و شرف نا رشتہ ئس۔ عطاء اللہ تارڑ پارے کہ بطور وزیراعلیٰ پنجاب میاں منظور وٹو نا خذمت ستاکڑزوک ئسر۔ منظور وٹو رکھ رکھاؤ وشائستگی آ تالان سیاست ءِ مون آ درے و مدام سگ، رواداری و جمہوری قدر انا دنگ اٹ رہینگسا سیاسی کڑد ادا کرے۔ اوپارے کہ میاں منظور وٹو نا سیاسی، راجی و السی خذمت آتے مدام یات تخنگک۔ بنجائی وزیر حوالکاری ایماندار نا درجہ غاتا بڑزی و خاہوت کن صبر وجمیل نا دعاکرے۔