وزیراعظم نا خصوصی کمکار ہارون اخترخان نا سمال اینڈ میڈیم انٹرپرائز ایکسپو 2026 نا دود آن تران

اسلام آباد۔ 24 جنوری (اے پی پی) وزیراعظم نا خصوصی کمکار ہارون اخترخان سمال اینڈ میڈیم انٹرپرائز ایکسپو 2026 نا دود آن تران کرسا پارے کہ ایس ایم ای کلسٹر شوکیس ایکسپو پاکستان نا زرگزرانی شونداری ٹی مزل نا نشان مریک، میڈان پاکستان ایکسپو ملکی صنعت و برآمدات آتا آخبت نا روشنا عکسءِ، حکومت ایس ایم ایزءِ فنانس ، ٹیکنالوجی ومارکیٹ اسکان رسینگ تننگ ءِ۔ اوپارے کہ 20 آن زیات کلسٹرز آن 174 ایس ایم ایز نا ویلیو ایڈڈ مصنوعات نمائش اٹی پیش کننگ انگ ءِ۔ ہارون اخترخان مستی پارے کہ پاکستان نا تاریخ نا اولیکو قومی ایس ایم ای کلسٹر نمائش ءِ، ایکسپو ایس ایم ایز ءِ مارکیٹ، زرکاری و جہانی خریدار آتون گنڈنگ نا پلیٹ فارم ءِ۔ اوپارے کہ وزیراعظم محمد شہباز شریف نا وژن نا رداٹ ایس ایم ای سیکٹر ءِ پوسکن بنداو تیا جوڑ کننگ انگ ءِ، کلسٹر و ڈیٹا غا تالان ایس ایم ای شونداری زرگزران اٹی بدلی اتیک، نن مچ آملک آن گچین ایس ایم ایز نا شفاف گچین کاری ءِ کرینن۔ ہارون اخترخان پارےکہ بلوچستان ، آزاد کشمیر و گلگت بلتستان و زالبول کاروباری بندغ آتے خصوصی اولیت تننگا۔ اوپارے کہ ایس ایم ایز پاکستان نا زرگزران اٹی مخ انا ملی ءِ۔ اوپارے کہ ایکسپو مائیکرو و سمال انٹرپرائزز ءِ جہانی منڈی تیٹی مقابلہ نا قابل جوڑ کیک، دانمائش بیرہ مصنوعات آتاآخا، پاکستان نا کسب، حوصلہ و لائخی نا نمائش ءِ۔ ہارون اخترخان پارے کہ زالبول آتا تیار کروک گڑاتا خصوصی پویلین آن حکومتی اولیت پیدوار ءِ، ایکسپو ٹی ٹیکسٹائل، اسپورٹس، گڈ ز، لیدر، سرجیکل ازباب، فرنیچر ، ایگروبزنس تون اوار کہی بشخ آک اوار، خصوصی کمکار ہارون اختر مستی پارے کہ ‘‘میڈ ان پاکستان ’’ بیرہ لیبل آخا، آب و قومی وقار نا چیدہ ءِ۔ اوپارے کہ زرکار، خریدار و ادارہ غاتیکن دا گچین نیٹ ورکنگ موقع سے۔ وزیراعظم نا خصوصی کمکار ہارون اخترخان پارے کہ حکومت ایس ایم ایز ءِ فنانس، ٹیکنالوجی و مارکیٹ اسکان رسینگ تننگ ءِ۔