چیئرپرسن بے نظیر انکم سپورٹ پروگرام سینیٹر روبینہ خالد نا جہانی یوم تعلیم نا وخت آاہم کلہو

اسلام آباد۔ 24 جنوری (اے پی پی) چیئرپرسن بے نظیر انکم سپورٹ پروگرام (بی آئی ایس پی) سینیٹرروبینہ خالد جہانی یوم تعلیم نا وخت آ کلہو اٹی پارے کہ جہانی یوم تعلیم ننے اسہ باشعور و سوگو قوم اسے نا ٹہیفنگ نا یات دہانی کرفک، تعلیم نیزگاری نا چٹفنگ و زالبول آتے واکدار کننگ نا غٹ آن گچین ذریعہ ءِ۔ بی آئی ایس پی نا کنڈآن ہفتہ نا دے آ جاری کلہو اٹی سینیٹر روبینہ خالد پارے کہ تعلیمی وظیفہ پروگرام تعلیم نا مون آدننگ کن حکومتی گام گیج آتا پیش پیش ءِ ، مسن تا تعلیم پاکستان نا روشنا آخبت نا ضمانت ءِ۔ اوپارے کہ حکومت پاکستان تعلیم اسکان رسینگ ءِ پک کننگ کن سنبرینگوک ءِ۔ بینظیر ایجوکیشنل سکالرشپ انا کمک اٹ لکھ آ چناتا تعلیمی سفربرجاءِ۔ سینیٹرروبینہ خالد مستی پارےکہ تعلیم یافتہ چین ہی وتواجہ و شونہال پاکستان نا بنداو ءِ تخنگ کیک۔ اوپارے کہ جہانی یوم تعلیم، تعلیم نا مون آ دننگ نا عزم انا پوسکنی نادے ءِ ، بی آئی ایس پی تعلیمی کمکاری نا کمک اٹ حقدار خاہوت آتے واکدار جوڑ کننگ ءِ، بی آئی ایس پی نا گام گیج آتیان لکھ آ چناتا تعلیم ممکن مننگ ءِ ، تعلیم اٹی زرکاری اصل اٹ قوم انا آخبت نا زرکاری ءِ۔