صدر آصف علی زرداری نا چترال اٹی برفانی کردو اسے نا تمنگ نا سوب آن نہادی انسانی جان تا زیان آ ڈکھیائی وا ست ہسونی نا درشان

اسلام آباد۔ 23 جنوری (اے پی پی) صدر مملکت آصف علی زرداری چترال اٹی برفانی کرود اسے نا تمنگ نا سوب نہادی انسانی جان تا زیان آ ڈکھیائی و است ہسونی نا درشانی ءِ کرینے۔ جمعہ نادے آ ایوان صدر نا پریس ونگ آن جاری بیان نا رداٹ صدر مملکت زوال کروک آ بندغ آتا خاہوت آتون ہڑزخواہی کرسا ایماندار تیکن بخشش و پدسلوک آتیکن صبر وجمیل نا دعاکرے۔ اوپارے کہ ترند انگا پِر، برف و اناگت سخت یخ موسمیاتی ہلہلہ ئی حالیت آتا پیدوار چیدہ غاک ءُ، ہرا موسمیاتی بدلی تا ودوک آ اثرآتا پیدواری ءِ کیرہ۔ اوزور شاغا کہ موسمی بدلی تا رداٹ پیشگی تیاری و گمانی نسخان تے کم کننگ کن گچین حکمت عملی وخت انا اہم گرج ءِ ۔ صدر مملکت بنجائی ، صوبائی و ہندی ادارہ غاتے پارت کرے کہ زہمی علاقہ غاتیٹی کمکی، و بحالی گام گیج آتے ترند کننگے و الس تون پدریسہ رابطہ تخنگے۔ اوپوسکن آ ٹیکنالوجی نا گچین کاریم اٹ اتنگ آ زور شاغسا پارے کہ وخت آ معلومداری نا فراوانی و الس نا رکھ ءِ پک کننگ ریاست نا اولین زمواری ءِ۔