سینیٹ نا دیوان اٹی ریلوائی نا بابت قائمہ کمیٹی نا رپورٹ نا تیاری کن 60 دے انا ودکی نا تحریک پیش

اسلام آباد۔ 23 جنوری (اے پی پی) سینیٹ نا دیوان اٹی جمعہ نادے آ ریلوائی نا بابت قائمہ کمیٹی نا رپورٹ نا تیاری کن 60 دےانا ودکی نا تحریک پیش کننگا۔ دا تحریک سینیٹر شہادت اعوان ایوان اٹ پیش کرے، ہرادے سینیٹ امنائی وڑاٹ منظور کرے۔ دامنظوری آن پد ریلوائی کمیٹی نا رپورٹ  نا تیاری کن پین مد فراوان کننگا۔ اوکان پد نجکاری نا بابت قائمہ کمیٹی نا رپورٹ ایوان اٹ پیش کننگا، ہرا کمیٹی نا چیئرمین ڈاکٹر افنا ن اللہ پیش کرے۔ ایوان نا کارروائی ٹی تعلقدار بل آ پین سجفنگ نا رداٹ پین کارروائی ءِ موخر کننگا۔