سینیٹر سلیم مانڈوی والا امریکہ ٹی پارلیمانی رابطہ غاتا مون آ دسننگ کن دیوان تیٹی گچین نمائندگی کرے

واشنگٹن ڈی سی۔ 23 جنوری (اے پی پی) سینیٹر سلیم مانڈوی والا امریکہ ٹی اڈ ہلوک چندی پارلیمانی و کمیونٹی کہول انا دیوان تیٹی پاکستان نا نمائندگی ءِ کرے ہرانا مسخت ہڑتوم آ ملک آتا نیام اٹ کانود ساز ادارہ غاتا کہول آ رابطہ و گپ وتران ءِ مون آ دننگ ئس۔ سینیٹ سیکرٹریٹ نا کنڈآن جاری بیان نا رداٹ 22 جنوری 2026 آ امریکی کانگریس نا رے برن ہاؤس آفس بلڈنگ اٹی اسہ کانگریشنل سیشن اس اڈ ہلک ہرانا میزبانی ءِ چیئرمین پاکستان پالیسی انسٹی ٹیوٹ امریکہ (PPI-USA)ڈاکٹر غلام مجتبیٰ کرے وخت اس کہ دا سیشن نا کمکاری کانگریس نا باسک ال گرین کرے ۔ دادیوان اٹی امریکی کانگریس نا باسک آک ہرافتے ٹی ٹیکساس آن کانگریس باسک ال گرین ، کنساس آن کانگریس باسک رون ایسٹس و کانگریس باسک ٹام سوزی ئسک اوار ئسر آن سرجمی اٹ گپ وتران کننگا۔ بشخ ہلوک آک پاکستان تون پارلیمانی و ادارہ جاتی کہول آ پدریسہ رابطہ غاتیٹی بھاز است خواہی نا درشانی ءِ کریر۔ کانگریس باسک رون ایسٹس دیوان آن اہم تران ہم کرے۔ دااوڑدہی اسہ پیچیدہ علاقائی حالیت آتا رداٹ اڈ ہلک ہراٹی پاکستان نا علاقائی و جہانی امور اٹی کڑد و اہمیت ءِ تالان کننگا ۔ گپ وتران اٹی پارلیمانی رابطہ غاتا مون آ دننگ، تزویراتی  سوگوی، زرگزرانی کمکاری و پاک ۔ امریکہ تعلقداری ٹی پاکستانی نژاد امریکی کمیونٹی نا مثبت و تعمیری کڑد آ خصوصی چکار کننگا ۔ دادورہ پاکستان نا کنڈآن پارلیمانی سفارت کاری ءِ سوگو کننگ وامریکہ تون چندی کہول آتیا تعمیری و بامسخت رابطہ غاتا عزم انا عکاسی ءِ کیک۔