آئی ایم ایف نا منیجنگ ڈائریکٹر کرسٹالینا جارجیوا ءِ حکومت نا زرگزرانی سوگوی و اصلاحات کن کروک آکوشست آتیان معلومدار کرین، وزیراعظم محمد شہباز شریف نا ’’ایکس‘‘ آ کلہو

ڈیووس۔ 22 جنوری (اے پی پی) وزیراعظم محمد شہباز شریف آئی ایم ایف نا منیجنگ ڈائریکٹر کرسٹالینا جارجیوا ءِ حکومت نا کنڈآن زرگزرانی سوگوی و اصلاحات کن کروک آ کوشست آتیان معلومدار کرینے۔ ’’ایکس‘‘ آ تینا کلہو اٹی وزیراعظم پارے کہ اودے ڈیووس اٹی ورلڈ اکنامک فورم نا وخت آ جہانی مالیاتی فنڈ انا منیجنگ ڈائریکٹر کرسٹالینا جارجیوا تون اوڑدہی کرسا خوشی مس۔ اوپاکستان نا گچین مرسا زرگزرانی ٹک، زرگزرانی سوگوی کن کروک آ کوشست و پنجرجاتی اصلاحات نا بابت پیش رفت آن معلومدار کرے ہرانا کرسٹالیناجارجیوا ستاءِ کرے۔ وزیراعظم پارے کہ نن مالی نظم وضبط، محصولات آتیٹی ودکی وپائیدار شونداری نا بابت پاکستان نا سوگو وعزم انا درشانی ءِ کرین و جہانی زرگزرانی منظرنامہ غا گپ وتران آن بیدس زرگزرانی سوگوی کن کثیر الجہتی کمکاری نا اہمیت آہم گپ وتران کرین۔