کوئٹہ ٹی پیش بروک آ است ہسون پلازہ خاخر لگنگ نا واقعہ نئے بیرہ بلوچستان بلکن مچ آملک اکن اسہ سنگین ءُ سوج اس جوڑ مسنے  ،چیئرمین قائمہ کمیٹی دفاعی پیداوار سینیٹر محمد عبدالقادر

کوئٹہ۔ 22 جنوری (اے پی پی)چیئرمین قائمہ کمیٹی دفاعی پیداوار سینیٹر محمد عبدالقادر پارینے کہ کوئٹہ ٹی پیش بروک آ است ہسون پلازہ خاخر لگنگ نا واقعہ نئے بیرہ بلوچستان بلکن مچ آملک اکن اسہ سنگین ءُ سوج اس جوڑ مسنے  ، دا خوفناک خاخر شار انا اسہ بھلو واپاری پلازہ اسے تینا پلویڑ اٹی ہلک، ہراڑے 120 آن زیات دوکان پورو وڑاٹ ہشنگسا پوغ مسر، ارب آ روپئی مالیت نا گڑا، روزگار و سال آتا خواری آن نا آن اٹ پوغ جوڑ مسر، وخت اس کہ ہزار آخاہوت آتا زرگزرانی آخبت خطرہ ٹی تما لاپرواہی، ہیبدار رکھی بست وبند و سرکاری ادارہ غاتا لاپرواہی دا سانحہ نا زموار ءِ داواقعہ بیرہ اسہ ہفتہ نا تہہ ٹی ارٹ میکو بھلا سانحہ ءِ ، داکان مست کراچی نا گل پلازہ ٹی ہم ہنداوڑنا شکست اس پیش بسنے۔ داڑے جاری مروک اسہ بیان اسے ٹی چیئرمین قائمہ کمیٹی دفاعی پیدوار سینیٹر محمد عبدالقادر پارے کہ پدریسہ داوڑنا واقعہ داہیت انا پیدوار شاہدی ءِ کہ نئے تو مستین نا سانحہ غاتیان سبخ ہلنگ انگ ءِ و نئے  فائر سیفٹی کانود آ عملدرآمد ءِ پک کننگ انگ ءِ داسانحہ ٹی اوار غٹ زموار آتے سخت سزا تننگے تانکہ آخبت کس اسے انسانی جان و السی ملیت آتون گوازی کننگ نا جیرت مف ، داڑتون اوار اوار بنجائی ، صوبائی و میٹرو پولیٹن حکومت آتیا ہم لازم ءِ کہ او تینا زمواری تے منر، شفاف جاست وپاست کرفر و زہمی پوریاگر آتانسخان تا دمدستی ازالہ ءِ کیر دا لمحہ فکریہ ءِ کہ آخر چوخت نن شکست آتیان پد بیرہ بیان آتسکان محدود سلنگ نا جاگہ غا عملی اصلاحات نا کنڈآ کانہ۔ اگہ اینو ہم سبخ ہلنگتو تو پگہ خوانخواستہ اسہ پین سانحہ اس ننا چاری مریک۔