بنجائی وزیر حوالکاری عطاء اللہ تارڑ نا پریس ایسوسی ایشن آف سپریم کورٹ نا پوسکن گچین مروک آ عہدیدار آتے مبارکباد

اسلام آباد۔ 22 جنوری (اے پی پی) بنجائی وزیر حوالکاری و شینکاری عطاء اللہ تارڑ پریس ایسوسی ایشن آف سپریم کورٹ نا سالانہ گچین کاری تیٹی پوسکن  گچین مروک آ عہدیدار آتے مبارکبادی تسنے۔ پنچ شنبے نادے آ تینا تہنیتی بیان اٹی بنجائی وزیر حوالکاری عمران وسیم ءِ صدر، امانت رضاگشکوری ءِ جنرل سیکرٹری، ابرار استوری ءِ نائب صدر، عابد نثار ءِ سیکرٹری خزانہ، سحرش خان ءِ سیکرٹری حوالکاری وخت اس کہ زاہد شریف، رؤف بزمی و سبین شہباز ءِ ممبر ایگزیکٹیو باڈی گچین مننگ آ مبارکبادی پیش کرے۔ عطاء اللہ تارڑ پارے کہ پریس ایسوسی ایشن آف سپریم کورٹ اسہ اہم و باوقار صحافتی فورم اسے ہرا عدالتی رپورٹنگ اٹی کسبی قدر، زموار صحافت و آئین و کانود نا بالادستی نا مون آ دننگ اٹ اہم کڑد ادا کننگ ءِ۔ اواومیت ظاہر کرے کہ پوسکن گچین مروک آ سرکڑدہ  صحافی برادری نا راجی آسودہی ، کسبی حق انا رکھ اکن پبی کڑد ادا کیک۔ بنجائی وزیر حوالکاری پوسکن گچین مروک آ عہدیدار آتیکن نیک است خواہی نا درشانیءِ کرسا پارے کہ حکومت صحافی تا آجوئی، رکھ و ویل آتا ایسری کن پبی کمکاری ءِ برجاتخک۔