بنجائی وزیر سائنس وٹیکنالوجی خالد حسین مگسی نا پیپسی کوکی ریگولیٹری امور نا ڈل اتون اوڑدہی

اسلام آباد۔ 22 جنوری (اے پی پی) بنجائی وزیر سائنس وٹیکنالوجی خالد حسین مگسی پیپسی کوکی ریگولیٹری امور نا سرکڑدہ غاتا تالان اسہ بڑزکو کہولی ڈل اسے تون اوڑدہی کرے۔ ڈل اٹی نٹالیہ ڈوئیک، نائب صدر و گلوبل ہیڈ آف ریگولیٹری افیئرز، ورنن رِخٹر، ریجنل ڈائریکٹر و شہزاد سکندر ، ہیڈ آف ریگولیٹری افیئرز ئسک اوار ئسر۔ اوڑدہی ٹی جدت، سائنسی بنداو تیا تالان ریگولیٹری فریم ورک، و پائیدار صنعتی شونداری کن کمکاری نا گمان تیا سجفنگا۔ ہڑتوم آ فریق آک پٹ وپول، تکنیکی شونداری ، و زموارانہ کاروباری طرز عمل نا بابت جہانی گچین روایت آتے پاکستان نا قومی اولیت آتون ہم گرنچ کننگ نا اہمیت آ زور شاغار ۔ اوڑدہی ٹی ہندن ءُ ریگولیٹری نظام اسے سوگو کننگ آ گپ وتران کننگا ہرا جدت نا است بڈی اتون اوار اوار صارف آتا رکھ، چاگڑدی پائیداری و السی پت ءِ پک کے۔ گپ وتران اٹی شاہدی تیا تالان پالیسی سازی نا کڑد ءِ ہم تالان کننگا ہرا اسہ مسابقتی وپائیدار صنعتی نظام نا مون آ دننگ اٹ کمکار ءِ۔ اوڑدہی نا ایسر آ سائنس آتالان پالیسی تامون آ دننگ و اختراع آ تالان شونداری و پائیدار شونداری کن السی ونجی بشخ انا تین پہ تینی کمکاری ءِ پین سوگو کننگ نا اسیجائی عزم انا درشانی ءِ کننگا۔