صدر مملکت آصف علی زرداری ہائی کورٹس نا ایڈیشنل جج آتے پک و ملازمت نا مد اٹی ودکی نا منظوری ءِ تس

اسلام آباد ۔ 22 جنوری (اے پی پی) صدر مملکت آصف علی زرداری جوڈیشنل کمیشن آف پاکستان نا سلاہ و سوج آتے مون آتخسا سندھ، لاہور وپشاور ہائی کورٹ آتا ایڈیشنل جج آتے پک و اوفتا ملازمت نا مد اٹی ودکی نا منظوری ءِ تسنے۔ ایوان صدر نا میڈیا ونگ آن پنچ شنبے نادے آ جاری بیان نا رداٹ صدر مملکت سندھ ہائی کورٹ کن ہرادہ ایڈیشنل جج آتا پک کننگ نا منظوری ءِ تسنے اوفتے ٹی جسٹس میران محمد شاہ، جسٹس مسز تسنیم سلطانہ، جسٹس ریاضت علی سحر، جسٹس محمد حسن، جسٹس عبدالحمید بھرگی، جسٹس جان علی جونیجو، جسٹس نثار احمد بھنبھرو، جسٹس علی حیدر’آدا‘ جسٹس محمد عثمان علی ہادی و جسٹس محمد جعفر رضائسک اوار ءُ۔ صدرِ مملکت سندھ ہائی کورٹ نا ایڈیشنل ججز جسٹس خالد حسین شاہانی و جسٹس سید فیض الحسن شاہ نا ملازمت نا مد اٹی شش تُو انا ودکی نا ہم منظوری ءِ تسنے۔ لاہور ہائی کورٹ کن صدرِ مملکت ہراایڈیشنل جج آتا پک کننگ نا منظوری ءِ تسنے اوفتے ٹی جسٹس حسن نواز مخدوم، جسٹس ملک وقار حیدر اعوان، جسٹس سردار اکبر علی، جسٹس سید احسن رضاکاظمی، جسٹس ملک جاوید اقبال وینس، جسٹس محمد جواد ظفر، جسٹس خالد اسحاق، جسٹس ملک محمد اویس خالد، جسٹس چوہدری سلطان محمود، جسٹس تنویر احمد شیخ و جسٹس مسز عبیر گل خان ئسک اوار ءُ۔ صدرِ مملکت لاہور ہائی کورٹ نا ایڈیشنل جج جسٹس طارق محمود باجوہ نا ملازمت نا مد اٹی ہم شش تُو انا ودکی نا منظوری ءِ تسنے۔ صدرِ مملکت پشاور ہائی کورٹ کن شش ایڈیشنل جج آتا پک کننگ نا منظوری ءِ تسنے ہرافتے ٹی جسٹس محمد طارق آفریدی، جسٹس عبدالفیاض ، جسٹس صلاح الدین، جسٹس صادق علی، جسٹس سید مدثرامیر و جسٹس قاضی جواد احسان اللہ ئسک اوار ءُ۔ پشاور ہائی کورٹ نا ایڈیشنل جج آتا ملازمت نا مد اٹی ہم شش تُو انا ودکی نا منظوری ءِ تننگانے اوفتے ٹی جسٹس مسز فرح جمشید، جسٹس انعام اللہ خان، جسٹس ثابت اللہ خان و جسٹس اورنگزیب اوار ءُ۔ دا منظوری ءِ وزیراعظم نا ایڈوائس آ تننگانے۔