اے پی پی ءِ منیجنگ ڈائریکٹر محمد عاصم کھچی ءَ بلغاریہ ءِ نیوز ایجنسی ءِ ڈائریکٹر جنرل کریل ویلچیف ءَ گوں گند ءُ نند کتگ، دوئیں نیوز ایجنسی آنی نیام ءَ میڈیا ءِ کمک ءِ امیت آنی سر ءَ گپ ءُ تران

اسلام آباد۔ 21 جنوری (اے پی پی): ایسوسی ایٹڈ پریس آف پاکستان ءِ منیجنگ ڈائریکٹر محمد عاصم کھچی ءَ چار شمبے ءِ روچ ءَ بلغاریہ ءِ نیوز ایجنسی ءِ ڈائریکٹر جنرل کریل ویلچیف ءَ گوں گند ءُ نند کتگ ءُ دوئیں نیوز ایجنسی آنی نیام ءَ میڈیا ءِ کمک ءِ امکان آنی سر ءَ گپ ءُ تران کتگ۔ بلغاریہ ءِ سفیر ایرینا گانچیوا ءِ گوما اے پی پی ءِ ہیڈ کوارٹر ءِ تر ءُ تاب ءِ ساھت ءَ ڈی جی بی ٹی اے ءَ را تنظیم ءِ پیشہ وارانہ کار ءِ نظام ءِ بابت ءَ سرجمیں بریفنگ دیگ بوتگ۔ ایم ڈی اے پی محمد عاصم کھچی ءَ آئی ءَ را اے پی پی ءِ ھال آنی سر کنگ ءِ بابت ءَ سرپدی دات۔ آئی ءَ گوشت کہ اے پی پی ءِ مزنیں ادارہ ءِ نیٹ ورک ءِ تہ ءَ اسلام آباد ءَ ایشی ءِ بنجاہی کارگس ءَ ابید سرجمیں ملک ءَ دمگی بیورو، اسٹیشن، درملکی نمائندہ ءُ پارٹ ٹائم رپورٹر آنی مزنیں نیٹ ورک ھوار اِنت۔ آئی ءَ گوشت کہ اے پی پی ءَ دگنیا ءِ پنجاہ ءَ چہ گیش ملک آنی سرکاری ھال رسانکی ادارگ آنی گوما ھال آنی تبادلہ ءِ معاہدہ کتگ کہ اے پاکستان ءِ بیانیہ ءَ را میاں اوستمانی تک ءَ مھکم کنگ ءَ کمکی ثابت بوھگ ءَ انت۔ ڈی جی بی ٹی اے کریل ویلچف ءَ وتی ایجنسی ءِ ھال رسانکی کار ءُ ڈیجیٹل سروسز ءِ بابت ءَ سرپدی دات ءُ اے پی پی ءِ گوما میڈیا ءِ نزیکیں کمک ءِ تہ ءَ سک باز دلگوشی ءِ درشان کت۔ آئی ءَ دوئیں ادارگ آنی نیام ءَ یکوئی ءَ را گیش دیمروئی دیگ ءِ واستہ اھوالکار آنی تبادلہ پروگرام ءِ ھم تجویز پیش کتگ۔ اے موہ ءِ سر ءَ ایم ڈی اے پی پی ءَ سرکاری ھال رسانکی ادارگ ءِ اولی تر ءُُ تاب ءِ یادگاری ءِ رنگ ءَ ڈی جی بی ٹی اے ءَ را شیلڈ پیش کتگ۔ ڈل ءَ اے پی پی ءِ جتا جتائیں محکمہ آنی تر ءُُ تاب ھم کتگ ایشی ءِ تہ ءَ سینٹرل نیوز ڈیسک، ڈیٹا سینٹر ءُ اسٹوڈیوز ھوار اَنت۔ اے موہ ءِ سر ءَ ایگزیکٹو ڈائریکٹر سبین عثمان خٹک ءُ ڈائریکٹر نیوز شمیلہ عندلیب ھم ساڑی بوتگ اَنت۔