نائب وزیراعظم و وزیرخارجہ سینیٹر محمد اسحاق ڈار تون 56 می جہانی اقتصادی فورم نا وخت آ فن لینڈ انا وزیرخارجہ ایلینا والٹونن نا اوڑدہی ، تین پہ تینی است خواہی نا امور آ گپ وتران

ڈیووس۔ 21 جنوری (اے پی پی) نائب وزیراعظم و وزیرخارجہ سینیٹر محمد اسحاق ڈار تون ڈیووس اٹی اڈ ہلوک 56 می جہانی اقتصادی فورم نا وخت آ فن لینڈ انا وزیرخارجہ ایلینا والٹونن اوڑدہی کرے و تین پہ تینی است خواہی نا امور آ گپ وتران کریر۔ چارشنبے نادے آ دفترخارجہ غان جاری بیان نا رداٹ ہڑتوم آ راہشونک واپار و زرکاری تون اوار اہم بشخ آتیٹی پاکستان و فن لینڈ انا نیام اٹ کمکاری ءِ سوگو کننگ و اونا دنگءِ ودفنگ نا عزم انا درشانی ءِ کریر۔ داوخت آ اہم علاقائی و جہانی امور آ ہم گپ وتران کننگا۔ فریق آک آخبت آ تالان و تین پہ تینی وڑاٹ فائدہ ئی شریداری ءِ مون آ دننگ نا اہمیت آ زور شاغار۔