وزیراعظم شہباز شریف جہانی اقتصادی فورم نا 56 می سالانہ دیوان نا وخت آ چارشنبے نادے آ ڈیووس اٹی اختہ ءُ دے اس گدریفک

ڈیووس ۔ 21 جنوری (اے پی پی) وزیراعظم محمد شہباز شریف جہانی اقتصادی فورم نا 56 می سالانہ دیوان نا وخت آ (اینو) چارشنبے نادے آ ڈیووس اٹی اختہ ءُ دے اس گدریفک۔ وزیراعظم آفس نا میڈیا ونگ آن جاری بیان نا رداٹ وزیراعظم پاکستان ناشتہ نا دود اٹی بشخ ہلنگ ودود آن تران ہم کیک۔ وزیراعظم جہانی راہشون تا غیررسمی اوڑدہی ٹی شریک مریک ہرانا سرحال ’’تقسیم شدہ جہانی منظرنامہ ٹی گپ وتران نااہمیت‘‘ ءِ۔ وزیراعظم نا جہانی مالیاتی فنڈ (آئی ایم ایف) نا منیجنگ ڈائریکٹر تون اوار چندی جہانی راہشون آتون اوڑدہی ہم گمانی ءِ۔