اسلام آباد۔ 20 جنوری (اے پی پی) بنجائی وزیر تعلیم وکسبی تربیت خالد مقبول صدیقی و سیکرٹری وزارت بنجائی تعلیم و کسبی تربیت ندی محبوب تون برٹش کونسل پاکستان نا کنٹری ہیڈ جیمز ہیمپسن تینا ٹیم اتون اوار اوڑدہی کرے، ہراٹی تعلیمی اصلاحات، تکنیکی و بڑزکو تعلیم نا مون آ دننگ و تین پہ تینی کمکاری ءِ پین ودفنگ آ گپ وتران کننگا۔ اوڑدہی ٹی سینئر جوائنٹ سیکرٹری وزارت …
بنجائی وزیر خالد مقبول صدیقی تون برٹش کونسل پاکستان نا کنٹری ہیڈ جیمز ہیمپسن نا اوڑدہی
گیشتریں ھال
اسلام آباد۔ 20 جنوری (اے پی پی) بنجائی وزیر تعلیم وکسبی تربیت خالد مقبول صدیقی و سیکرٹری وزارت بنجائی تعلیم و کسبی تربیت ندی محبوب تون برٹش کونسل پاکستان نا کنٹری ہیڈ جیمز ہیمپسن تینا ٹیم اتون اوار اوڑدہی کرے، ہراٹی تعلیمی اصلاحات، تکنیکی و بڑزکو تعلیم نا مون آ دننگ و تین پہ تینی کمکاری ءِ پین ودفنگ آ گپ وتران کننگا۔ اوڑدہی ٹی سینئر جوائنٹ سیکرٹری وزارت بنجائی تعلیم وکسبی تربیت آفتاب رشید، ایگزیکٹیو ڈائریکٹر انٹر بورڈ کوآرڈینیشن کمیشن غلام علی ملاح و ڈپٹی سیکرٹری امارہ نسیم ئسک ہم ساڑی ئسر۔ جیمز ہیمپسن بین الصوبائی وزراء تعلیم کانفرنس نا سرسہب اڈتننگ آ بنجائی وزیر و سیکرٹری ءِ مبارکبادی تس و تعلیمی بشخ اٹی ہم گرنچی و اصلاحات نا مون آ دسننگ کن دا کانفرنس نا ایجنڈا نا اہمیت نا ستاءِ کرے۔ داوخت آ سیکرٹری وزارت تعلیم ندیم محبوب برٹش کونسل نا ڈل ءِ ساڑی آ بین الصوبائی وزراء تعلیم کانفرنس دیوان اٹی شرہ ٹی بروک آ اہم ٹک و منظور کروک آ قرارداد آتیان معلومدار کرے۔ اوڑدہی خوشگوار و تعمیری چاگڑد اٹی اڈ ہلک ہرابے کچ نتیجہ خیز پک مس۔ جیمز ہیمپسن بنجائی وزیر و سیکرٹری ءِ صوبہ غاتیٹی تکنیکی تعلیم نا بشخ اٹی برٹش کونسل نا کنڈآن فراوان کروک آ خذمت و کمکاری، نیز ہائر ایجوکیشن کمیشن تون شریداری عمل اٹ برجاگام گیج آتیان حوال تس۔ اوبرجاڈٹ آتیٹی مروک آ پیش رفت و آخبت اٹی کمکاری نا گمانی بشخ آتیان ہم معلومدار کرے۔
