وزیراعلیٰ بلوچستان میر سرفراز بگٹی ناکماشی ٹی محکمہ خزانہ نا 111سرکاری ملازمت آتا شفاف و میرٹ آ تالان بھرتی اسہ تاریخی و ستاکڑزوک ءُ گام اسے، مسکوہی سینیٹر روزی خان کاکڑ

کوئٹہ۔ 20جون (اے پی پی) پاکستان پیپلزپارٹی نامرکزی راہشون و مسکوہی سینیٹر روزی خان کاکڑ وزیراعلیٰ بلوچستان میر سرفراز بگٹی ءِ خراج تحسین پیش کرساپارینے کہ بلوچستان نا تاریخ اٹی اولیکو وار اونا کماشی ٹی محکمہ خزانہ نا 111سرکاری ملازمت آتا شفاف و میرٹ آ تالان بھرتی اسہ تاریخی و ستاکڑزوک ءُ گام اسے داشفاف عمل نا کمک اٹ ورناتے باعزت روزگار نا بریبر وارخواہی فراوان مسنے و الس نا سرکاری نظام آ پت اسہ وار ولدا بحال مسنے۔ داڑے جاری مروک اسہ بیان اسے ٹی مسکوہی سینیٹر روزی خان کاکڑ پارے کہ اسہ ہی دے اٹی ٹیسٹ، نتیجہ و تقرری تا پوروی و منظم عمل بلوچستان نا الس کن گمر نا سوب ءِ، ہرا داہیت انا پیدوار شاہدی ءِ کہ پاکستان پیپلزپارٹی نا حکومت عملی کارکڑد، شفافیت و میرٹ آ پورو یخین تخک۔ اوپارے کہ پاکستان پیپلزپارٹی نا پندار وزیراعلیٰ میر سرفراز بگٹی نا اصلاحاتی و الس دوست پالیسیک بلوچستان ءِ شونداری، انصاف و ورناتا روشنا آخبت نا کنڈآ درینو۔ مسکوہی سینیٹر روزی خان کاکڑ پارے کہ پاکستان پیپلزپارٹی وزیراعلیٰ میر سرفراز بگٹی نا کماشی ٹی بناکروک آ دا تاریخی اصلاحات آتے پین گچین کننگ کن ہرکہول آ اوڑتون ہم کوپہ سلوک ءِ۔