وزیراعظم شہبازشریف ورلڈ اکنامک فورم نا سالانہ کانفرنس اٹی بشخ ہلنگ کن ڈیووس آ روانہ مس

اسلام آباد۔ 20 جنوری (اے پی پی) وزیراعظم محمد شہباز شریف ورلڈاکنامک فورم (ڈبلیو ای ایف) نا سالانہ کانفرنس 2026 اٹی بشخ ہلنگ کن ڈیووس ، سوئٹزر لینڈ آ روانہ مس۔ سے شنبےنادےآ وزیراعظم آفس نا میڈیا ونگ انا کنڈآن جاری بیان نا رداٹ نائب وزیراعظم و وزیرخارجہ محمد اسحاق ڈار، بنجائی وزیر اقتصادی امور احد چیمہ، بنجائی وزیر حوالکاری عطاء للہ تارڑ ، خصوصی کمکار طارق فاطمی و ایلو سینئر کمامدارآک ہم سرکاری دورہ ٹی وزیراعظم تون اوار ءُ۔ ورلڈ اکنامک فورم ناسالانہ کانفرنس (19 آن 23 جنوری 2026) اٹی بشخ ہلنگ آن بیدس وزیراعظم محمد شہباز شریف نا اہم سفارتی و اقتصادی مصروفیت ہم مریک  ۔ او چندی سربراہان مملکت و حکومت و جہانی تنظیم آتا سرکڑدہ غاتون ہڑتوم آ کنڈآتا اوڑدہی کیک۔ دورہ ٹی بزنس راؤنڈ ٹیبل ہم مریک ہرانا اسیجائی بست وبند ءِ پاکستان و ورلڈاکنامک فورم کننگ ءُ و داٹی جہانی کہول انا نمان کمپنی تا راہشونک بشخ ہلیرہ  ہراپاکستان اٹی زرکاری نا وارخواہی پٹنگ یا تینا ساڑی آ زرکاری ءِ ودفنگ اٹ است خواہی تخرہ ۔