اسلام آباد۔ 19 جنوری (اے پی پی) حکومت جامع اصلاحاتی ایجنڈا نا رداٹ پیٹرول پمپس و پیٹرولیم سپلائی چین نا ڈیجیٹلائزیشن کن مچ آملک مہم نا بناءِ کرینے ہرانا مسخت اسمگلنگ نا توننگ ، غیرکانودی بہاکننگ نا چٹفنگ و مجاز ڈیلر آتا فائدہ غاتا رکھ ءِ کننگ ءِ۔ دوشنبے نادے آ وزارت پیٹرولیم ڈویژن نا کنڈآن جاری بیان نا رداٹ دااصلاحات نا بنداوی ہدف پیٹرولیم ویلیو چین نا غٹ …
حکومت جامع اصلاحاتی ایجنڈا نا رداٹ پیٹرول پمپس و پیٹرولیم سپلائی چین نا ڈیجیٹلائزیشن کن مچ آملک مہم نا بناءِ کرے
گیشتریں ھال
اسلام آباد۔ 19 جنوری (اے پی پی) حکومت جامع اصلاحاتی ایجنڈا نا رداٹ پیٹرول پمپس و پیٹرولیم سپلائی چین نا ڈیجیٹلائزیشن کن مچ آملک مہم نا بناءِ کرینے ہرانا مسخت اسمگلنگ نا توننگ ، غیرکانودی بہاکننگ نا چٹفنگ و مجاز ڈیلر آتا فائدہ غاتا رکھ ءِ کننگ ءِ۔ دوشنبے نادے آ وزارت پیٹرولیم ڈویژن نا کنڈآن جاری بیان نا رداٹ دااصلاحات نا بنداوی ہدف پیٹرولیم ویلیو چین نا غٹ ریسہ درآمدات ، ریفائنریز، ات و در و ریٹیل آؤٹ لیٹس ءِ اسہ سوگو ٹریک اینڈ ٹریس نظام نا رداٹ سوگو کننگ ءِ تانکہ حقی وخت اٹی چاروکی، شفافیت و جوابدہی ءِ پک کننگ مرے دارداٹ آئل اینڈ گیس ریگولیٹری اتھارٹی (اوگرا) سرسہبی اٹ موبائل ایپلی کیشن ’’راہگزار‘‘ درستی راستی کرفینے ہرا مچ آملک اٹی کانودی وڑاٹ کاریم کروک آ پیٹرول پمپ آتا بابت پک مروک معلومداری فراوان کیک۔ دا ایپ صارف، ریگولیٹرز و ایلو تعلقدار فریق آتے پک و تازہ انگا ڈیٹا اسکان رسینگ ترسا واکدار جوڑ کیک۔ چاروکی نا نظام ءِ پین سوگو کننگ کن اوگرا پنجاب انفارمیشن ٹیکنالوجی بورڈ (پی آئی ٹی بی) نا شریداری اٹ ٹینک لاری تیکن جتا ٹریک اینڈ ٹریس سسٹم اس تیار کرینے۔ دا نظام ای آرپی ڈیٹا، ٹینک لاری تا ات و در، ٹرمینل آپریشن و ریٹیل آؤٹ لیٹس انا معلومداری ءِ اسہ ہی ڈیجیٹل پلیٹ فارم آ یکجاکیک۔ بروک آ ریسہ ٹی پیٹرول پمپ آتا پورو ڈیجیٹلائزیشن کننگک ہرانا رداٹ خودکار ٹینک گیجز و ڈیجیٹل ڈسپنسنگ یونٹ خلنگک تانکہ ڈاؤن سٹریم بشخ انا گچین وپدریسہ چاروکی ممکن مننگ کے۔ اپ سٹریم بشخ اٹی پاکستان 18 سال انا بھلو وقفہ سے آن پد آف شور بولی نا سرسہب اڈتننگ آن برجاسال اسہ اہم ءُ مزل اسے عبور کرے۔
