وزیراعلیٰ بلوچستان نا کراچی نا گل پلازہ شاپنگ سینٹر اٹی خاخر لگنگ نا واقعہ غا است ہسونی نا درشان

کوئٹہ۔ 19 جنوری (اے پی پی) وزیراعلیٰ بلوچستان میر سرفرازبگٹی کراچی نا گل پلازہ شاپنگ سینٹر اٹی خاخر لگنگ نا است ہسون واقعہ غا ڈکھیائی و است ہسونی نا درشانی ءِ کرینے۔ سی ایم ہاؤس آن جاری بیان نا رداٹ وزیراعلیٰ میر سرفراز بگٹی پارے کہ شاپنگ سینٹر اٹی خاخرلگنگ آن نہادی انسانی جان تا زیان و بھلو کچ اسے آ مروک آ مالی نسخان آن است بھاز افسردہ ءِ ، دا است ہسون ءُ سانحہ سے ہرانئے بیرہ زہمی خاہوت بلکن مچ آ قوم ءِ غمزدہ کرینے۔ میر سرفراز بگٹی واقعہ ٹی زوال کروک بندغ آتا خاہوت آتون ہڑزخواہی و ہمدردی نا درشانی ءِ کرسا دعاکرے کہ اللہ تعالیٰ ایماندار تے جنت اٹی جاگہ و پدسلوک آ خاہوت آتے صبر وجمیل عطاکے۔ اوٹھپی مروک آتا زوت دراخ جوڑی کن ہم دعاکرے۔