بنجائی وزیر حوالکاری و شینکاری عطاء اللہ تارڑ سینئر صحافی شہباز رانا نا جان پُڑسی ءِ کرے، اونا زوت دراخ جوڑی کن نیک است خواہی نا درشان

اسلام آباد۔ 19جنوری (اے پی پی) بنجائی وزیر حوالکاری و شینکاری عطاءا للہ تارڑ دوشنبے نادے آ سینئر صحافی شہباز رانا نا جان پُڑسی ءِ کرے و اونا زوت دراخ جوڑی کن نیک است خواہی نا درشانی ءِ کرے۔ داوخت آ گپ وتران کرسا بنجائی وزیر پارے کہ شہباز رانا سینئر و متبر ءُ صحافی اسے ہرا صحافت نا بشخ اٹی بھلو خذمت اس سرتسنے۔ اوپارے کہ صحافی راج انا خن و توار مریک اوفتے تون سلنگ حکومت نا زمواری ءِ۔ وزیرحوالکاری شہباز رانا نا زوت دراخ جوڑی کن دعاہم کرے۔ داوخت آ پرنسپل انفارمیشن آفیسر مبشرحسن ہم ساڑی ئسک۔