اسپیکر قومی اسمبلی نا کماشی ٹی پارلیمانی ڈل 19 جنوری آن چین نا 3 دے ئی دورہ ءِ کیک

اسلام آباد۔ 19 جنوری (اے پی پی) اسپیکر قومی اسمبلی سردار ایاز صادق نا کماشی ٹی پارلیمانی ڈل 19 آن 21 جنوری اسکان چین نا مسہ دے ئی دورہ ءِ کیک۔ دادورہ چین نا نیشنل پیپلزکانگریس (NPC)نا اسٹینڈنگ کمیٹی نا چیئرمین ژاؤلیجی نا خصوصی سلہ غا کننگ انگ ءِ۔ ترجمان قومی اسمبلی نا رداٹ اسپیکر قومی اسمبلی نا کماشی ٹی پاکستانی پارلیمانی ڈل انا 2026 اٹی چین نا دا اولیکو سرکاری کہول انا دورہ ءِ ۔ دا دورہ پاکستان و چین نا نیام اٹ سفارتی تعلقداری تا قیام نا 75 می سال دے انا وخت آ مننگ ءِ، ہراہڑتوم آ ملک آتا نیام اٹ متکن،  سوگو و سدابہار سنگتی نا درشانی ءِ۔ داتاریخی وخت آ پاکستان وچین مچ آسال اسیجادود آتا اڈتننگ نا کمک اٹ دا اہم مزل ءِ شایانِ شان وڑاٹ اڈتننگ آ امنا کرینو۔ اسپیکر قومی اسمبلی سردار ایاز صادق نا کماشی ٹی پارلیمانی ڈل چینی پارلیمانی و سیاسی سرکڑدہ غاتون اوڑدہی کیک ہرافتے ٹی پارلیمانی کمکاری نا مون آدننگ و ہڑتوم آ کنڈآتا تعلقداری تے پین سوگو کننگ آ گپ وتران کننگک۔ پارلیمانی ڈل اٹی وزیراعظم نا کوآرڈینیٹر چاگڑدی بدلی و چاگڑدی ہم گرنچی و کنوینر پاک۔ چین فرینڈ شپ گروپ رومینہ خور شید عالم ، قومی اسمبلی نا باسک محمد نعمان ، پارلیمانی سیکرٹری زیب جعفر و قومی اسمبلی نا باسک مولانا عبدالغفور حیدری ئسک اوار ءُ۔