صدر آصف علی زرداری نا گل پلازہ خاخر لگنگ نا وخت آ فائر فائٹر فرقان علی نا زوال کننگ آ است ہسونی نا درشان

اسلام آباد۔ 18 جنوری (اے پی پی) صدر مملکت آصف علی زرداری کراچی ٹی گل پلازہ خاخر لگنگ نا وخت آ تینا جان ءِ ندر کروک آ فائر فائٹر فرقان علی نا کزیت آ است ہسونی نا درشانی ءِ کرینے۔ شنبے نادے آ ایوان صدر نا پریس ونگ آن جاری بیان نا رداٹ صدر مملکت پارے کہ فرقان علی نا کسبی جیرت و فرض شناسی السی خذمت نا بڑزکو درور ءِ۔ صدر مملکت فرقان علی نا خاہوت تون ہڑزخواہی کرے۔ صدر آصف علی زرداری پارے کہ قوم تینا بہادر گلزادہ غاتا قربانی تے مدام یات تخک۔ صدر مملکت پارے کہ آخبت اٹی داوڑنا سانحہ غاتا توننگ کن فائر سیفٹی و ایمرجنسی نظام ءِ گچین کننگے۔ صدر مملکت سندھ حکومت ءِ پارت کرے کہ کراچی تون اوار مچ آ صوبہ ٹی کمرشل و ہنکینی ماڑی تا رکھی بست وبند آتا جاچ ءِ ہلنگے۔ اوسندھ حکومتءِ پارت کرے کہ واقعہ غان پد کمکی گام گیج آتے ٹی فعال کڑد ادا کننگے و ٹھپی تا درمان و زہمی خاہوت آتا خیالداری ءِ دمدستی بنداو تیا پک کننگے۔