صدر مملکت آصف علی زرداری نا کراچی ٹی گل پلازہ ٹی خاخر لگنگ نا واقعہ غا است ہسونی نا درشان

اسلام آباد۔ 18 جنوری (اے پی پی) صدر مملکت آصف علی زرداری کراچی ٹی گل پلازہ ٹی خاخر لگنگ نا است ہسون واقعہ غا ڈکھیائی وا ست ہسونی نا درشانی ءِ کرینے۔ شنبے نادے آایوان صدر نا پریس ونگ آن جاری بیان نا رداٹ صدر مملکت نہادی انسانی جان تا زیان آ ہڑزخواہی و خاہوت آتون ہمدردی نا درشانی ءِ کرے۔ صدر مملکت پارے کہ سندھ حکومت و تعلقدار ادارہ غاک زہمی بندغ و پوریاگر آتے دمدستی و ہرممکن کمک فراوان کیر۔ صدر آصف علی زرداری پارے کہ ٹھپی تے گچین طبی آسراتی تا فراوانی ءِ  ہرحال اٹ پک کننگے۔ اودعاکرے کہ اللہ تعالیٰ ٹھپی تے زوت دراخ جوڑ کے و زہمی خاہوت آتے صبر و جمیل ایتے۔