وزیراعظم شہباز شریف نا فائر فائٹر فرقان علی نا شہیدی آ است ہسونی نا درشان

اسلام آباد۔ 18 جنوری (اے پی پی) وزیراعظم محمد شہباز شریف کراچی ٹی گل پلازہ ٹی لگوک آ خاخر ءِ کسفنگ اٹی کمکی کارروائی تیٹی شہید مروک آ فائر فائٹر فرقان علی نا شہیدی آ است ہسونی نا درشانی ءِ کرینے۔ شنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم پارے کہ فرقان علی الس نا جان تے بچفسا تینا جان ءِ ندر کرے۔ اوپارے کہ غم انا داساہت اٹی فرقان علی نا خاہوت تون تفوک اُن۔ اودعاکرے کہ اللہ تعالیٰ فرقان نا درجہ غاتے بڑز کے و خاہوت ءِ صبر وجمیل ایتے۔ وزیراعظم شکست اٹی زوال کروک آ ایلو بندغ آتا خاہوت آتون ہمدردی و ہڑزخواہی نا درشانی ءِ کرسا پارے کہ نن اوفتا غم اٹی بریبر نا شریک اُن۔ واقعہ ٹی کودک بندغ آتا شہیدی آ است افسردہ ءِ۔