وزیراعظم شہباز شریف نا کراچی ٹی گل پلازہ ٹی خاخر لگنگ نا واقعہ غا است ہسونی نا درشان

اسلام آباد۔ 18 جنوری (اے پی پی ) وزیراعظم محمد شہباز شریف کراچی ٹی گل پلازہ ٹی خاخر لگنگ نا واقعہ غا است ہسونی نا درشانی ءِ کرساپارینے کہ زوال کروک آ بندغ آتا خاہوت نا غم اٹی بریبر نا شریک اُن۔ شنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ وزیراعظم الس نا جان و مال انا رکھ اکن غٹ تر گام گیج کننگ و زہمی پوریاگر و ایلو بندغ آتے ہرممکن امداد فراوان کننگ نا پارت کرے۔ اوریسکیو آپریشن اٹی غٹ تعلقدار ادارہ غاتےا واری اٹ کاریم کننگ نا ہم پارت کرے۔ وزیراعظم ٹھپی تے غٹ تر آسراتی فراوان کننگ نا پارت کرے و اوفتا زوت دراخ جوڑی کن دعاکرے۔