بحرین ءِ شاہ حمد بن ابی الخلیفہ ءَ صدر آصف علی زرداری ءِ شرپ ءَ نان ءِ  سبارگ  ءِ میزبانی

منامہ۔15جنوری  (اے پی پی): بحرین ءِ شاہ حمد بن ابی الخلیفہ ءَ صدر آصف علی زرداری ءِ شرپ ءَ سرکاری نان ءِ مراگش ءِ میزبانی کت۔ پنچ شمبے ءِ روچ ءَ صدر ءِ بحرین ءِ چار روچی سرکاری تر ءُ تاب ءِ ساھت ءَ نان ءِ مراگش ادا برجم دارگ بوت۔ ایوان ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءِ ھمبراھی ءَ بانُک اول بی بی آصفہ بھٹو زرداری ھم ھوار بوتگ۔ شاہ حمد بن ابی الخلیفہ ءَ صدر ءَ را شاہی اصطبل ءَ دستیابیں دنیا ءِ نامداریں خالص نسل ءِ عرب اسپ پیش داشتگ انت۔ نجی اصطبل ءِ اے ھاسیں تر ءُ تاب ءِ ساھت ءَ صدر ءَ دنیا ءِ نامداریں گھوڑو آنی چار ءُ تپاسی کت۔ صدر ءَ را ھال دیگ بوت کہ اسپ ءِ میراث ءِ نامداریں سرپرست ءِ بستار ءَ بادشاہ شاہ حمد بن آیت الخلیفہ ذاتی رنگ ءَ اسپ آنی کوھنیں نسل آنی رکھینگ ءِ سر ءَ نگرانی کنت ایشی ءِ تہ ءَ الدہمہ، کوہیلات الجلابیہ  ءُ  کوہیلات الافاص  ھوار اَنت۔ اے نسل وتی “اصل” دروشم ءِ ھاترا زانگ بنت ءُ وتی رفتار، زانت ءُ جتائیں، تابناکیں زیبائی ءِ ھاترا زانگ بنت۔ صدر آصف علی زرداری ءَ نادریں نسل آنی رکھینگ ءِ واستہ شاہ شاہ حمد بن آیت الخلیفہ ءِ ستا ءُ منت واری ءِ درشانی کت۔ آئی ءَ گوشت کہ عرب اسپ پاکستان ءُ بحرین دوئیں ملک آنی یکجائی دود ءُ ربیدگ ءُ اسلامی ورثہ ءِ تہ ءَ یک ھاسیں ءُ مقدسیں جاھے ءِ واھند اِنت ءُ دوئیں ملک آنی نیام ءَ دیریں ءُ مھکمیں سیادی آنی علامت اِنت۔ وشیں ءُ دلپھکی ءِ چاگرد ءَ برجم دارگ بوتگیں نان ءِ ورگ ءَ بحرین ءِ شاہی ٹبر ءِ مزنیں باسک ءُ پاکستانی مزنیں تک ءِ ڈل ءَ بہر زرتگ۔