چین ءِ کمیونسٹ پارٹی ءِ انٹرنیشنل ڈیپارٹمنٹ ءِ نائب وزیر سن ہائی یان ءَ مزن وزیر شہباز شریف ءَ گوں گند ءُ نند کت، مزن وزیر کاچن ءِ دل ءِ جہلانکی ءَ کمک راستیں راہ ءِ نیمگ ءَ گامگیج اِنت، سی پیک ءِ آیوکیں بھر ءِ سر ءَ عمل کنگ ءِ ضلورت ءِ سر ءَ زور پر دات

اسلام آباد۔15جنوری  (اے پی پی): مزن وزیر محمد شہباز شریف ءَ چین ءِ نیمگ ءَ پاکستان ءِ واستہ ھاسیں رنگ ءَ سی پیک ءِ چیر دستی ءَ کمک ءِ ساڑات ءُ آئی ءِ آیوکیں بھر ءَ ایشی ءِ سر ءَ عمل کنگ ءِ ضلورت ءِ سر ءَ زور پر دات۔ چین ءِ کمیونسٹ پارٹی ءِ میاں اوستمانی محکمہ ءِ نائب وزیر سن ہیان ءَ جمعہ ءِ روچ ءَ مزن وزیر گس ءَ مزن وزیر محمد شہباز شریف ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ گند ءُ نند ءَ ھاسیں کمکار سعد طارق فاطمی، چین ءِ واستہ مزن وزیر ءِ ھاسیں نمائندہ ظفرالدین محمود ءُ دری کارانی سیکرٹری آمنہ بلوچ ھم ھوار بوتگ اَنت۔ مزن وزیر ءَ شرپداریں مہمان ءُ آئی ءِ ڈل ءَ را وش اتک کنگ ءِ ساھت ءَ گوشت کہ اے تر ءُ تاب سک باز المی انت ایشی ءِ واستہ دوئیں ملک سفارتی سیادی ءِ برجائی ءِ 75سال سالروچ ءَ را برجم دارگ ءَ انت۔ آئی ءَ گوشت کہ اے سال ءِ بندات پاکستان ءِ نائب مزن وزیر ءُ دری کارانی وزیر ءِ بیجنگ ءِ سرکاری تر ءُ تاب ءَ چہ بوتگ ایشی ءَ پد تہی کارانی وزیر ءَ شنگھائی ءِ تر ءُ تاب کتگ، وھدیکہ آیوکیں روچ آنی تہ ءَ راجی اسمبلی ءِ اسپیکر ءِ چین ءِ تر ءُ تاب ءِ ھم گمان اِنت۔ مزن وزیر ءَ صدر شی جن پنگ ءُ چیلا قائدہ ءِ واستہ دل ءِ واھشت ءِ درشان کت۔ آئی ءَ چین ءِ گوما پاکستان ءِ سٹیل ءِ وڑیں اسٹریٹجک کوآپریٹو شریکداری ءِ دل یکیمی دات ءُ گوشت کہ اے سیادی ہر وڑ ءَ بے مٹ ءُ بے درور مانیت۔ مزن وزیر ءَ ’’یک چین‘‘ ءِ پالیشی ءِ سر ءَ پاکستان ءِ بے مٹیں عزم ءِ ھم پدر کت۔ مزن وزیر ءَ ھاسیں رنگ ءَ سی پیک ءِ چیر دستی ءَ اقتصادی شراکت داری ءِ رد ءَ پاکستان ءَ را چین ءِ دل ءِ جہلانکی ءَ کمک ءِ توسیپ کت ءُ سی پیک ءِ آیوکیں بھر ءِ سر ءَ وھد ءِ سر ءَ عمل درآمد ءِ ضلورت ءِ سر ءَ زور پر دات۔ آئی ءَ صدر شی جن پنگ ءَ را اے سال ءَ پاکستان ءِ سرکاری تر ءُ تاب ءِ دعوت ءِ ھم پدا زور دات، پرچا کہ اے سال دوئیں ملک آنی واستہ ھاسیں ارزشت ءُ سنگ میل ءِ واھند اِنت۔ نائب وزیر ءَ مزن وزیر ءِ منت گپت ءُ گوشت کہ چین پاکستان ءِ گوما توامیں پڑ آنی تہ ءَ وتی دیریں ءُ آزمائشی سیادی ءَ را گیش مھکم کنگ ءِ واستہ جزمیگ انت۔ آئی ءَ مزن وزیر ءَ را ملک ءَ اقتصادی ءُ چاگردی برجائی ءِ آرگ ءِ پد ءَ مبارک بات دات ءُ گوشت کہ پاکستان ءِ سفارتی کامیابی آنی سر ءَ چینی راج ءَ را فخر اِنت۔ آئی ءَ مزن وزیر ءَ را سرپد کت کہ چین ءِ کمیونسٹ پارٹی ءَ گوں پاکستان ءِ جتا جتائیں سیاسی گلاں جوانیں سیادی جوڑ کتگ۔ آئی ءَ جوانیں حکومت داری ءِ واستہ سوشلسٹ قوت آناں یکجا کنگ ءِ واستہ مزن وزیر ءِ سروکی ءِ کرد ءَ را ھم ساڑات۔ نائب وزیر ءَ پارٹی تک ءَ سیادی ءِ ارزشت ءِ سر ءَ زور پر دیان ءَ بانکل جماعتی میکانزم ءِ وسیلگ ءَ پاکستان ءِ سوشلسٹ پارٹی آنی گوما کمک ءَ را گیش مھکم کنگ ءِ واستہ چین ءِ کمیونسٹ پارٹی ءِ جزم ءُ مھکمیں جزم ءِ درشان کت۔