مزن وزیر شہباز شریف ءَ پاکستان ریلوے ءِ تہ برجاھیں گہتری کار ءُ دیمروئی ءِ ھوالگ ءَ  جندی  شعبہ ءِ ماہرین آنی گوما مشاورتی دیوان ءِ سروکی ءَ کنگ ءَ انت۔ پاکستان ریلوے بامردیں مشورہ ءَ پد آیوکیں ہفتگ ءَ عملی گامگیج آنی گوما روڈ میپ پیش کنت، مزن وزیر

اسلام آباد۔15جنوری  (اے پی پی): مزن وزیر محمد شہباز شریف ءَ پنت ءُ شون کتگ کہ پاکستان ریلوے بامردیں شور ءُ سلاہ ءَ پد آیوکیں ہفتگ ءَ عملی گامگیج آنی گوما روڈ میپ پیش بہ کنت۔ مزن وزیر محمد شہباز شریف ءِ سروکی ءَ پاکستان ریلوے ءِ تہ جاری گہتری کار ءُ دیمروئی ءِ ھوالگ ءَ پرائیویٹ سیکٹر ءِ زانتکار آنی گوما شور ءُ سلاھ دیوان ءِ برجم دارگ بوت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ گند ءُ نند ءَ ریلوے ءِ وفاقی وزیر محمد حنفر عباسی، وفاقی وزیر خزانہ محمد اورنگزیب، وفاقی وزیر اطلاعات ءُ نشریات عطا اللہ تارڑ، وفاقی وزیر موسمیاتی مدّی چکونگے ءَ شریک بوتگ۔ احد خان چماخ، مزن وزیر ءِ ھاسیں کمکار ہارون اختر، نیشنل کوآرڈینیٹر ایس آئی ایف سی لیفٹیننٹ جنرل (ریٹائرڈ) سرفراز احمد ءُ سیادی داروکیں وزارت آنی سیکرٹری ءُ کارندہ آں ابید نجی شعبہ ءِ ماہرین زید بشرو، پرا سعد احسان الدین ءُ دگہ مردماں بہر زرتگ ات۔ مزن وزیر ءَ سرجمیں اقتصادی دیمروئی، دمگی صنعت ءُ تجارتی کمک ءُ الس ءِ آسراتی ءُ تجارتی کارمردی ءِ واستہ ریلوے ءِ معیاری کارکردگی ءِ ارزشت ءِ سر ءَ زور پر دیان ءَ دستیابیں وسیلگ ءُ اقتصادی جیڈھ آنی باوجود وزارت ریلوے ءِ سرجمیں ٹیم ءَ را جوانیں کارکردگی ءِ سر ءَ مبارکی دات۔ مزن وزیر ءَ وزارت ریلوے ءِ وسیلگ آنی تجارتی کارمردی ءِ واستہ زوتاں چہ زوت یک ٹوھیں حکمت عملی ءِ جوڑ کنگ ءِ ھاسیں پنت ءُ شون دات۔ مزن وزیر ءَ گوشت کہ چاگرد ءِ سرجمیں دیمروئی، صنعت ءُ تجارت ءُ ایندگر شوبگ آنی گہتری ءِ واستہ جندی شوبگ ءِ ماہرین آنی گوما شور ءُ سلاھ حکومت ءِ اقتصادی گہتری کار ءِ بھر انت۔ پاکستان ریلوے وسیلگ آنی کمی ءِ باوجود مزنیں محنت ءُ محنت ءِ گوما جوانیں رنگ ءَ کارکردگی پیش کنگ ءَ انت، ایشی ءِ واستہ ریلوے ءِ وفاقی وزیر ءُ آئی ءِ ٹیم ستا ءِ لائق انت۔ آئی ءَ گوشت کہ پاک ریلوے ءِ ادارگی ءُ انتظامی کارکردگی ءَ را گیش موثر جوڑ کنگ ءِ واستہ انقلابی گامگیج دہائی آنی واستہ ناگزیر انت۔ پاکستان ریلوے ءِ تہ ءَ برجاھیں گہتری کار آناں کنگ ءُ ایشی ءَ را گیش منافع بخش جوڑ کنگ ءَ اے ادارگ ملکی صنعت ءُ تجارت ءِ دیمروئی ءُ سرمایہ کار آناں آسراتی ءِ تہ ءَ المی کرد پیلو کنت۔ آئی ءَ پنت ءُ شون کت کہ پاک ریلوے ءَ را توامیں سیادی داروکیں یونٹ ءُ ادارگ آنی گوما بامردیں شور ءُ سلاہ ءَ پد آیوکیں ہفتگ ءَ عملی گامگیج آنی سر ءَ ھواریں روڈ میپ ءِ دیم دیگ بہ بیت۔ مزن وزیر ءَ گوشت کہ اقتصادی دیمروئی ءُ دمگی کمک ءِ تہ ءَ پاک ریلوے ءِ ارزشت ءِ انداز ءَ حکومت ءَ یک لڑ ءِ انقلابی گامگیج آنی گامگیج کتگ، ایشی ءِ آسر تساک انت۔ پاکستان ریلوے ءَ گوں سیادی داروکیں دیمروئی کارانی واستہ سرکاری فنڈز ءِ پھجارینگ ءَ چہ دہ سال ءَ چہ یلہ کنگ بوتگ کہ ایشی ءَ چہ افسوس ءِ گپ اِنت۔ مزن وزیر ءَ گوشت کہ آیوکیں سال ءِ پی ایس ڈی پی ءَ پاکستان ریلوے ءِ دیمروئی منصوبگ آنی واستہ تناسبی بجٹ پجاری کنگ بیت۔ پاکستان ریلوے ءَ را دگنیا ءِ نامداریں میاں اوستمانی ریلوے ءِ تجارتی کمیونیکیشن سسٹم ءِ بھر جوڑ کنگ ءِ واستہ گامگیج وھد ءِ ضلورت اِنت۔ پاکستان ءَ ریلوے ءِ نظام اقتصادی دیمروئی ءُ راجی آمدنی ءِ تہ ءَ گیشی ءِ تہ ءَ مزنیں کردے پیلو کت کنت۔ آئی ءَ ریلوے ءِ بنیاتی ڈھانچگ ءِ منافع بخش تجارتی کارمردی ءِ واستہ شریکداری ءِ امکانات آناں سرجمی ءَ چار ءُ تپاسی کنگ ءِ ھم پنت ءُ شون کتگ۔ آئی ءَ گوشت کہ پاک ریلوے ءِ ریلوے ءِ نظام ملک ءَ نا ایوک ءَ بلکینگ ءَ دمگی صنعت، تجارت ءُ کمک ءِ تہ ءَ ھم کلیدی کرد ءَ پیلو کنت۔ آئی ءَ پاکستان ریلوے ءِ منظم انتظامی ءُ منافع بخش تجارتی کارمرد ءِ واستہ عملی گامگیج آنی تہ ءَ ھواریں جامع ءُ موثر حکمت عملی ءِ جوڑ کنگ ءِ پرمان داتگ۔ دیوان ءَ بہر زوروکیں نجی شعبہ ءِ ماہرین ءَ ریلوے ءِ کارکردگی ءَ را گیش موثر جوڑ کنگ ءُ ایشی ءِ تجارتی کارمردی ءِ رد ءَ جتا جتائیں سفارشات کتگ۔ مزن وزیر ءَ ارزشتی ایں سفارش پجاری ءِ پد ءَ دیوان ءَ بھر زوروکیں پرائیویٹ سیکٹر ءِ زانتکار آنی شگر ءُ منت ءِ درشان کت۔