وزیراعظم نا خصوصی کمکار صنعت وپیداوار تون صنعتکار ایس ایم تنویر نا ڈل اتون اوار اوڑدہی

اسلام آباد۔ 16 جنوری (اے پی پی) وزیراعظم نا خصوصی کمکار صنعت وپیدوار ہارون اخترخان تون پاکستان نا پنی آ صنعتکار و بزنس لیڈر ایس ایم تنویر و اونا ڈل اوڑدہی کرے۔ اوڑدہی ٹی ملکی زرگزرانی پالیسی و ساڑی آ اقتصادی حالیت آتیا سرجمی اٹ گپ وتران کننگا۔ وزارت صنعت و پیداوار نا کنڈآن جاری بیان نا رداٹ داوخت آ ہارون اخترخان پارے کہ وزیراعظم شہباز شریف نا کماشی ٹی ملک انا زرگزرانی شونداری ٹی نمان گچینی بننگ ءِ۔ اوپارے  کہ پوسکن آ صنعتی پالیسی نا رداٹ صنعتی شونداری ءِ ترند کننگک و وزیراعظم نا وژن نا رداٹ صنعت آتا مون آ دننگ کن گچین وعملی پالیسی تیاری ٹی ءِ۔ اوپارے کہ سمال اینڈ میڈیم انٹرپرائزز (ایس ایم ایز) نا مون آدننگ آن روزگار نا گیشتر وارخواہی ودی مریک وخت اس کہ ورناتیکن روزگار، کسب و اسکل ڈیولپمنٹ آ خاص چکار کننگ انگ ءِ۔ اومستی پارے کہ صنعتی شونداری ٹی پاکستان انڈسٹریل ڈیولپمنٹ کارپوریشن نا کڑد ءِ پین فعال کننگ انگءِ تانکہ صنعت آتے ادارہ جاتی کمکاری فراوان کننگ مرے۔ ہارون اختر خان پارے کہ حکومت نجی بشخ اتون اواری اٹ زرگزرانی سوگوی کن عملی گام گیج کننگ ءِ و صنعت آتیکن سازگار کاروباری چاگڑد فراوان کننگ انگ ءِ۔ اونا پاننگ ئس کہ صنعتی شونداری آنئے بیرہ برآمد آتیٹی ودکی مریک بلکن روزگار نا پوسکن وارخواہی ہم ودی مریک، ہراپائیدار زرگزرانی نمو نا بنداو جوڑ مریک ۔ اوڑدہی ٹی ڈل حکومتی گام گیج آتا خیرمقدم ءِ کرسا صنعتی بشخ انا کنڈآن کمکاری ءِ برجاتخنگ نا عزم انا درشانی ءِ کرے۔