اسلام آباد۔ 16 جنوری (اے پی پی) نائب وزیراعظم و وزیرخارجہ سینیٹر محمد اسحاق ڈار جمعہ نادے آ داڑے انڈونیشیا نا صدر پرابووو سوبیانتو نا تدوک آ سال دسمبر اٹی پاکستان نا دورہ غان پد پیش رفت نا جاچ ءِ ہلنگ کن بین الوزارتی دیوان نا کماشی ءِ کرے۔ ترجمان دفترخارجہ نا کنڈآن جاری بیان نا رداٹ دیوان اٹی جان جوڑی نا بشخ اٹی پاکستان و انڈونیشیانا نیام اٹ کمکاری …
نائب وزیراعظم اسحاق ڈار نا کماشی ٹی دیوان، انڈونیشیا نا صدر نا دورہ پاکستان آن پد جان جوڑی نا بشخ اٹی کمکاری آ پیش رفت نا جاچ ءِ ہلنگا
گیشتریں ھال
اسلام آباد۔ 16 جنوری (اے پی پی) نائب وزیراعظم و وزیرخارجہ سینیٹر محمد اسحاق ڈار جمعہ نادے آ داڑے انڈونیشیا نا صدر پرابووو سوبیانتو نا تدوک آ سال دسمبر اٹی پاکستان نا دورہ غان پد پیش رفت نا جاچ ءِ ہلنگ کن بین الوزارتی دیوان نا کماشی ءِ کرے۔ ترجمان دفترخارجہ نا کنڈآن جاری بیان نا رداٹ دیوان اٹی جان جوڑی نا بشخ اٹی پاکستان و انڈونیشیانا نیام اٹ کمکاری آ مروک آ پیش رفت نا جاچ ءِ ہلنگا۔ دیوان اٹی ہڑتوم آملک آتا نیام اٹ جان جوڑی نا بشخ اٹی کمکاری ءِ پین مون آ دننگ نا وارخواہی تیا سجفنگا۔ نائب وزیراعظم انڈونیشیا تون تعلقداری تے پین ودفنگ نا اہمیت آ زور شاغا۔ دیوان اٹی وزیرجان جوڑی ، خصوصی کمکار وزیراعظم طارق باجوہ غان بیدس وزارت خارجہ، وزارت قومی جان جوڑی ، پاکستان میڈیکل اینڈ ڈینٹل کونسل اوورسیز ایمپلائمنٹ کارپوریشن و وزارت اوورسیز پاکستانیان و انسانی وسیلہ غاتا شونداری نا سینئر کمامدارآک بشخ ہلکر۔
