سیکورٹی فورس آک خاران اٹی دشمن نا بھلا کارروائی نا کوشست ءِ بے سہب کریر، ڈاکٹر طارق فضل چوہدری

اسلام آباد۔ 16 جنوری (اے پی پی) بنجائی وزیر پارلیمانی امور ڈاکٹر طارق فضل چوہدری پارینے کہ دشمن خاران اٹی بھلو کچ اسے تون جلہو نا کوشست کرے ولے سیکورٹی فورس آک  دا ڈٹ ءِ ہموڑے جہہ جاگہ کریر۔ جمعہ نادے آ راجی رابطہ نا ویب سائٹ ایکس آ تینا بیان اٹی اوپارے کہ 40 دہشت گرد آتیا تالان نیٹ ورک، ہرافتے ٹی گیشتری درملکی زموار آتا ئس، پاکستان نا محافظ آتا مون آ سلنگ کتور۔اوپارے کہ 12 دہشت گرد تینا انجام آ سرمسر، 3 اہم دہشت گرد کانود نا گرفت اٹی بسر وخت اس کہ ننا بہادر آفیسر و ورناک ٹھپی مرسا ہم مورچہ ءِ اِلیتور۔ لیفٹیننٹ کرنل و میجر نا ٹھپی حالیت اٹی کماشی ءِ کننگ داہیت انا شاہدی ءِ کہ دا بیرہ اسہ آپریشن اس آخا بلکن عزم انا جنگ ءِ۔ اوپارے کہ دا کارروائی پیدوار کلہو ءِ کہ پاکستان نا گل زمین آ دہشت گردی کن ہچ ءُ گنجائشت اس اف، سیکورٹی فورس آتا قربانی و کسبی لائخی قوم انا پت انا بنداو ءِ، دشمن چائے تہہ نامرے یا پیشن نا، ورندی فیصلہ کن و پبی مریک۔