بنجائی وزیر داخلہ محسن نقوی و وزیراعلیٰ بلوچستان میر سرفراز بگٹی نا فرنٹیئر کور بلوچستان (نارتھ ) نا ہیڈکوارٹر نا دورہ

کوئٹہ۔ 16 جنوری (اے پی پی) بنجائی وزیر داخلہ محسن نقوی و وزیراعلیٰ بلوچستان میر سرفراز بگٹی فرنٹیئر کور بلوچستان (نارتھ) ہیڈکوارٹرنا دورہ ءِ کرے۔ داوخت آ ایف سی بلوچستان نارتھ نا چاک و چوبند دستہ بنجائی وزیر داخلہ و وزیراعلیٰ ءِ سلامی پیش کریر۔ آئی جی فرنٹیئر کور بلوچستان نارتھ میجر جنرل محمد عاطف مجتبیٰ بنجائی وزیر داخلہ محسن نقوی و وزیراعلیٰ بلوچستان میر سرفراز بگٹی نا سینئر آفیسر آتون درستی راستی ءِ کرفے۔ بنجائی وزیر داخلہ و وزیراعلیٰ بلوچستان شہید آتا یات گار آ حاضری تسر، پھل آتا چادراس شاغار و دعاپاتیاکریر ۔ اوفک ایف سی بلوچستان نارتھ نا شہید آتا درجہ غاتا بڑزی کن دعاکریر و اوفتا بے مٹ قربانی تے خراجِ عقیدت پیش کریر۔ داوخت آ آئی جی ایف سی بلوچستان نارتھ فورس انا تربیت، آپریشنل تیاری و کسبی لائخی تا بابت حوال تس۔ بنجائی وزیر داخلہ محسن نقوی و وزیراعلیٰ بلوچستان میر سرفراز بگٹی صوبہ ٹی امن کن فرنٹیئر کور بلوچستان نارتھ انا بھلا کڑد انا ستاءِ کریر۔ محسن نقوی پارے کہ دہشت گردی نا برخلاف جنگ اٹی ایف سی بلوچستان نارتھ انا قربانی ناقابلِ فراموش ءِ، و امن کن اوفتا خذمت آک تاریخ نا روشنا بشخ ءُ۔ بنجائی وزیر داخلہ مستی پارے کہ فرنٹیئر کور بلوچستان نارتھ نا آفیسر و ورناتا فتنۃ الہندوستان نا چٹفنگ کن تروک آ قربانی تے مدام یات تخنگک۔ داوخت آ چیف سیکرٹری بلوچستان و آئی جی بلوچستان پولیس ئسک ہم ساڑی ئسر۔