قومی اسمبلی ءِ اھوالکاری ءُ شنگکاری ءِ ذیلی کمیٹی ءِ دیوان: پی ٹی وی ءِ درستیں کارندہ آناں وتی پگار ءُ پنشن ءِ واجبات ادا کنگ بوتگ انت، عطا اللہ تارڑ

اسلام آباد۔15جنوری  (اے پی پی):وفاقی وزیر ءِ اھوالکاری ءُ شنگکاری عطا اللہ تارڑ ءَ گوشت کہ پی ٹی وی ءِ سرجمیں کارمند آنی پگار ءُ پنشن ءِ زرّ دیگ بوتگ اَنت، اے وھد ءَ ادارگ ءِ سر ءَ ھچ وڑیں بقایا زرّ نیست، پی ٹی وی ءَ پگار ءِ نہ دیگ ءِ ھوالگ ءَ افواہ بے بن اَنت، پی ٹی وی ءِ تہ ءَ اینکر آناں میرٹ ءِ سر ءَ کار ءَ گپتگ۔ لنگر ءِ رد ءَ اے درگت ءَ صفر رواداری ءِ پالیسی ءِ سرا عمل کنگ بوھگ ءَ اِنت۔ آئی ءَ اے گپ پنچ شمبے ءِ روچ ءَ پارلیمنٹ گس ءَ کنوینر کمیٹی ندیم عباس ءِ سروکی ءَ راجی اسمبلی ءِ قائمہ کمیٹی برائے اھوالکاری ءُ نشریات ءِ ذیلی کمیٹی ءِ دیوان ءَ کت۔ گند ءُ نند ءَ وزارت ءِ اھوالکاری ءُ نشریات ءُ پاکستان ٹیلی ویژن ءِ مزنیں کارندہ آں ھم بھر زوری کت۔ پی ٹی وی ءِ مالی ءُ انتظامی جاور، انسانی وسائل ءُ ادارگی گہتری ءِ بابت ءَ سرجمیں بریفنگ دیگ بوت۔ وفاقی وزیر انفارمیشن ءَ کمیٹی ءَ را گوشت کہ پی ٹی وی ءِ درستیں کارمند آناں وتی پگار ءُ پنشن دیگ بوتگ، ءُ اے وھد ءَ ادارگ ءِ گور ءَ ھچ وڑیں بقایا زرّ نیست۔ آئی ءَ گوشت کہ بجلی ءِ بل آنی تہ ءَ پی ٹی وی فیس ءِ ھلاس کنگ ءَ پد جتا جتائیں جُست چست بوتگ اَنت، ءُ اے تاثر کہ پی ٹی وی فیس ءِ ھلاس کنگ ءَ پد ادارگ کار کنگ ءَ سوبین نہ بیت، اے گپ راست نہ اِنت۔ آئی ءَ گوشت کہ وزارت ءِ گور ءَ فنڈز است انت، پی ٹی وی ءَ پگار ءِ نہ دیگ ءِ بابت ءَ گپ ءُ تران بے بن انت۔ آئی ءَ گوشت کہ پی ٹی وی ءَ اینکر آنی بھرتی ءِ ھوالگ ءَ مئے یک کیٹیگوریکل موقف ءِ است انت، استیں دور ءَ ھما اینکر کہ بھرتی کنگ بوتگ انت آ سرجمی ءَ میرٹ ءِ سر ءَ ایر کنگ بوتگ انت، اے ھوالگ ءَ ھچ وڑیں سفارش نہ بوتگ ءُ اے ھوالگ ءَ زیرو ٹولرنس پالیشی ءِ سر ءَ عمل کنگ بوھگ ءَ انت۔ وفاقی وزیر ءَ گوشت کہ اے وھد ءَ اسکرین ءِ سر ءَ ھواریں درستیں اینکر میرٹ ءِ سر ءَ ایر کنگ بوتگ اَنت، اگاں کسے اینکر آرگ بوتگ گڈا آئی ءَ را مقابلہ ءِ پگار دیگ بیت۔ آئی ءَ گوشت کہ اینکر آنی معاملہ آنی تہ ءَ میرٹ ءِ سر ءَ ھچ وڑیں سمجھوتہ کنگ نہ بیت۔ پی ٹی وی اسپورٹس ءِ کارکردگی ءِ ھوالگ ءَ وفاقی وزیر ءِ اھوالکاری ءَ گوشت کہ پی ٹی وی اسپورٹس چینل جوانیں رنگ ءَ روگ ءَ اِنت، عالیہ راشد پی ٹی وی اسپورٹس ءِ سروک جوڑ کنگ بوتگ کہ آ اسپورٹس جرنلزم ءِ تہ ءَ نامداریں نام اِنت، پی ٹی وی اسپورٹس ءِ سر ءَ اشتہار ھم رسگ ءَ اَنت ءُ اے چینل جوانیں رنگ ءَ روگ ءَ اِنت۔ وفاقی وزیر ءِ اھوالکاری ءَ دیوان ءَ را گوشت کہ پی ٹی وی ءَ انتظامی ءُ ادارگی گہتری ءِ عمل جاری انت ھاسیں رنگ ءَ انسانی وسائل ءِ شوبگ ءَ گہتری ءِ سر ءَ ھاسیں دلگوشی دیگ بوھگ ءَ انت۔ آئی ءَ گوشت کہ راجدپتر ءِ تہ ءَ اولی رند ءَ پی ٹی وی ءَ ڈائریکٹر ہیومن ریسورسز ایر کنگ بوتگ، ایشی ءَ چہ پیسر یکیں ڈی اے پی ءَ درستیں جیڈھ آناں چار ءُ بچار کتگ، اولی رند ءَ آٹومیشن ءِ وسیلگ ءَ درستیں کارمند آنی ریکارڈ سیو کنگ بوتگ، درستیں کارمند آنی تفصیل زوت دست کپ اَنت، گوستگیں وھد ءَ چوشیں یکجاھیں ریکارڈ نیست اَت۔ کمیٹی ءِ باسک آں ریاستی نشریات ءِ تنظیم ءَ را گیش مھکم کنگ ءِ واستہ ادارگی گہتری ءِ عمل ءَ را برجاہ دارگ ءِ ضلورت ءِ سر ءَ زور پر دات۔