آذربائیجان ءِ ڈل ءَ مزن وزیر شہباز شریف ءَ گوں گند ءُ نند

اسلام آباد۔15جنوری  (اے پی پی):آذربائیجان ءِ ڈل ءَ کہ آسن خدمت مرکاز اسلام آباد ءِ بنگیج ءِ مراگش ءَ بہر زورگ ءَ اتکگ ات آئی ءَ مزن وزیر محمد شہباز شریف ءَ گوں گند ءُ نند کتگ ءُ مزن وزیر ءَ را گہتری ءِ سر ءَ عمل کنگ ءُ نظام ءِ تہ ءَ نوآبادیاتی ءِ آرگ ءِ ھاترا مزن وزیر ءِ نوکر ءِ بستار ءَ شرپ ءُ شان ءِ درشانی کتگ ات۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ گند ءُ نند ءَ آذربائیجان ءِ پبلک سروس ءُ سوشل سروس ءِ چیئرمین علوی مہدئیو، آذربائیجان  ءِ  پاکستان  ءِ  سفیر خضر فرہادوف، وفاقی وزراء احد خان چیمہ، عطاء اللہ تارڑ، شزہ فاطمہ خواجہ  ءُ ھاسیں کمکارھاسیں کمکار  طارق فاطمی  ھم ساڑی بوتگ۔ مزن وزیر ءَ آذربائیجان ءِ پبلک سروس ءُ سوشل سروس ءِ چیئرمین علوی مہدئیوءِ پاکستان ءِ تر ءُ تاب ءُ اسلام آباد ءَ آسن خدمت مرکاز ءِ بنگیج ءِ مراگش ءَ آئی ءِ بھر زوری ءَ را وش اتک کت۔ گند ءُ نند ءَ اسلام آباد ءَ پاکستان ءِ اولی آسن خدمت مرکاز ءِ بابت ءَ بریفنگ دیگ بوت۔ گند ءُ نند ءِ تہ ءَ گوشگ بوت کہ شہری آنی آسراتی ءِ واستہ سیکٹر جی 9 ءَ جوڑ بوتگیں اولی سروس سنٹر ءَ را زوت مزن کنگ بیت۔ آذربائیجان ءِ حکومت سرجمیں پاکستان ءَ آسن خدمت سنٹر جوڑ کنگ ءَ پاکستان ءِ سرجمیں کمک ءَ کنت۔ آسن خدمت مراکز ءَ شفافیت ءِ واستہ نہ ایوک ءَ اندرونی آڈٹ بلکن ءَ تھرڈ پارٹی ءِ توثیق ءَ را ھم دل یکیمی کنگ بیت۔ آذربائیجان ءِ سفیر ءَ گند ءُ نند ءَ سرپد کت کہ اسلام آباد ءُ آذربائیجان ءِ نیام ءَ ہفتگی سئے بالی گراب آنی ھوار مارچ ءَ یک بالی گراب ءِ گیش کنگ بوھگ ءَ انت ایشی ءَ چہ دوئیں ملک آنی نیام ءَ دو نیمگی سیادی گیش مھکم بنت۔ مزن وزیر ءَ آذربائیجان ءِ اے گامگیج ءَ را وش اتک کت۔ مزن وزیر ءَ گوشت کہ سرجمیں ملک ءَ گیش آسن خدمت سنٹر جوڑ کنگ بنت تانکہ یکیں چھت ءِ چیر ءَ وفاقی حکومت ءِ ازمت آناں پجاری کنگ بہ بیت۔ آئی ءَ صدر الہام علیف ءُ آذربائیجان ءِ حکومت ءِ کمک ءِ منت وار انت۔ آ پاکستان ءِ سرکاری ھزمتانی ماحولیاتی نظام ءَ سرجمی ءَ بدل کنگ ءِ کوشست ءَ اِنت۔ مزن وزیر ءَ گوشت کہ آیوکیں بھر ءَ آزات جموں ءُ کشمیر ءُ گلگت بلتستان ءَ آسن خدمت مارکاز جوڑ کنگ بیت۔ آذربائیجان حکومت ءَ اسلام آباد ءَ پاکستان ءِ اولی آسن خدمت مرکاز ءِ جوڑ کنگ ءَ سرجمیں کمک کتگ کہ ایشی ءِ ھاتر ءَ آ منت وار اِنت۔ مزن وزیر ءَ گوشت کہ پاکستان ءِ خدمت مارکاز آنی تہ ءَ باقاعدہ کارکردگی ءِ ٹارگٹ ایر کنگ بنت ءُ ھمک سہ ماہی ءَ تھرڈ پارٹی کارکردگی ءِ آڈٹ کنگ بیت۔ آسن خدمت مارکازز ءَ میاں اوستمانی معیار ءِ رد ءَ سروسز دیگ بیت۔ مزن وزیر ءَ سیادی داروکیں واکدار آناں ہدایت کت کہ آ آسن خدمت مرکاز ءَ سرکاری ازمت آنی سرجمیں پجاری ءَ را دل یکیمی کنگ ءِ واستہ یک ٹوھیں منصوبگ جوڑ بہ کن اَنت۔ دیم ءِ مرحلہ ءَ گلگت ءُ مظفر آباد ءُ پدا سرجمیں پاکستان ءَ خدمت مرکزیز ءِ جوڑ کنگ ءِ مدت ءُ مدت ٹھینگ بہ بیت ءُ کار بندات کنگ بہ بیت۔ درملک ءَ نندوکیں پاکستانی آنی آسراتی ءِ واستہ پاکستان ءِ سفارت خانہ آنی تہ ءَ آسن خدمت مرکاز آنی کاؤنٹر جوڑ کنگ بہ بنت۔