چین ءِ کمیونسٹ پارٹی ءِ میاں اوستمانی کارانی نائب وزیر سن ہائیان ءَ مزن وزیر شہباز شریف ءَ گوں گند ءُ نند کتگ، مزن وزیر ءَ چین ءِ دل ءِ جہلانکی ءَ کمک ءِ وش آتک کتگ، سی پیک ءِ آیوکیں بھر ءِ سر ءَ عمل کنگ ءِ ضلورت ءِ سر ءَ زور پر داتگ

اسلام آباد۔15جنوری  (اے پی پی):مزن وزیر محمد شہباز شریف ءَ پاکستان ءِ واستہ چین ءِ دل ءِ جہلانکی ءَ کمک ءِ توسیپ کتگ ءُ آیوکیں بھر ءَ ایشی ءِ سر ءَ عمل کنگ ءِ ضلورت ءِ سر ءَ زور پر داتگ۔ جمعہ ءِ روچ ءَ چین ءِ کمیونسٹ پارٹی ءِ میاں اوستمانی کارانی نائب وزیر سن ہیان ءَ مزن وزیر محمد شہباز شریف ءَ گوں مزن وزیر گس ءَ گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ گند ءُ نند ءَ ھاسیں کمکار سید طارق فاطمی، چین ءِ واستہ مزن وزیر ءِ ھاسیں نمائندہ ظفرالدین محمود ءُ دری کارانی سیکرٹری آمنہ بلوچ ھم ھوار بوتگ اَنت۔ شرپداریں چینی مہمان ءُ آئی ءِ ڈل ءَ را وش اتک کنان ءَ مزن وزیر ءَ گوشت کہ اے تر ءُ تاب سک باز المی انت ایشی ءِ تہ ءَ دوئیں ملک سفارتی سیادی ءِ برجائی ءِ 75سال سالروچ ءَ برجم دارگ ءَ انت۔ آئی ءَ گوشت کہ اے سال ءِ بندات پاکستان ءِ نائب مزن وزیر ءُ دری کارانی وزیر ءِ بیجنگ ءِ سوبمندیں تر ءُ تاب ءَ چہ بوتگ، ایشی ءَ پد تہی کارانی وزیر ءَ شنگھائی ءِ تر ءُ تاب کتگ، وھدیکہ آیوکیں روچ آنی تہ ءَ راجی اسمبلی ءِ اسپیکر ءِ چین ءِ تر ءُ تاب ءِ ھم گمان اِنت۔ مزن وزیر ءَ صدر شی جن پنگ ءُ چین ءِ سروکی ءَ را دل ءِ جہلانکی ءَ چہ نیکیں واھگ آنی درشان کت۔ آئی ءَ چین ءِ گوما پاکستان ءِ اسٹیل ءِ وڑیں اسٹریٹجک کوآپریٹو شریکداری ءِ تصدیق کت ءُ گوشت کہ اے سیادی ہر وھد ءَ بے مٹ ءُ بدل مانیت۔ مزن وزیر ءَ ’’یک چین‘‘ ءِ پالیسی ءِ سر ءَ پاکستان ءِ بے مٹیں عزم ءِ ھم پدر کت۔ مزن وزیر ءَ ھاسیں رنگ ءَ سی پیک ءِ چیر دستی ءَ اقتصادی شراکت داری ءِ رد ءَ پاکستان ءَ را چین ءِ دل ءِ جہلانکی ءَ کمک ءِ توسیپ کت ءُ سی پیک ءِ آیوکیں بھر ءِ وھد ءِ سر ءَ عمل درآمد ءِ ضلورت ءِ سر ءَ زور پر دات۔ آئی ءَ صدر شی جن پنگ ءَ را اے سال ءَ پاکستان ءِ سرکاری تر ءُ تاب ءِ دعوت ءِ ھم پدا زور دات پرچا کہ اے سال دوئیں ملک آنی واستہ ھاسیں ارزشت ءُ سنگ میل ءِ واھند اِنت۔ چینی نائب وزیر ءَ مزن وزیر ءِ شگر ءُ منت گپت ءُ گوشت کہ چین توامیں پڑ آنی تہ ءَ پاکستان ءِ گوما وتی دیریں ءُ آزمائشی سیادی ءَ را گیش مھکم کنگ ءِ واستہ جزمیگ اِنت۔ آئی ءَ مزن وزیر ءَ را ملک ءَ اقتصادی ئُُ سیاسی برجائی ءِ آرگ ءِ پد ءَ مبارکی دات ئُُ گوشت کہ پاکستان ءِ سفارتی کامیابی آنی سر ءَ چینی راج ءَ را فخر اِنت۔ آئی ءَ مزن وزیر ءَ را سرپد کت کہ چین ءِ کمیونسٹ پارٹی ءَ گوں پاکستان ءِ جتا جتائیں سیاسی گلاں جوانیں سیادی جوڑ کتگ۔ آئی ءَ جوانیں حکومت داری ءِ واستہ سیاسی قوت آناں یکجا کنگ ءِ واستہ مزن وزیر ءِ سروکی ءِ کرد ءَ را ھم ساڑات۔ چینی نائب وزیر ءَ پارٹی تک ءِ سیادی آنی ارزشت ءِ سر ءَ زور پر دات ءُ بین پارٹی میکانزم ءِ وسیلگ ءَ پاکستان ءِ سیاسی گل آنی گوما کمک ءَ را گیش مھکم کنگ ءِ واستہ چین ءِ کمیونسٹ پارٹی ءِ جزم ءُ مھکمیں جزم ءِ درشان کت۔