صدر آصف علی زرداری ءَ بحرین ءِ اقتصادی دیمروئی بورڈ ءِ استقبال ءَ گوں گشتانک

منامہ۔15جنوری  (اے پی پی): صدر آصف علی زرداری ءَ گوشت کہ آ بحرین ءِ گوما اقتصادی کمک، سرمایہ کاری، شریکداری ءُ ادارگی سیادی ءَ را دیمروئی دیگ ءِ واستہ جزمیگ آں ۔ بحرین ءِ سرمایہ کار دوستیں معیشت بدل بوھوکیں جھان ءِ چاگرد ءِ تہ ءَ یک لائقیں مثال اِنت۔ پاکستان ءِ مھکم، ڈیجیٹل ءُ سرمایہ کاری ءِ بنیاد ءَ معیشت دیمروئی ءِ راہ ءَ انت۔ دوئیں ملک آنی نیام ءَ کشت ءُ کشاری، فوڈ سیکیورٹی، انفارمیشن ٹیکنالوجی ءُ ڈیجیٹل سروسز، قابل تجدید توانائی ءُ رسد ءَ ھوار جتا جتائیں شوبگ آنی تہ ءَ کمک ءَ را گیش دیمروئی دیگ ءِ واستہ مزنیں گنجائش است انت۔ پنچ شمبے ءِ روچ ءَ صدارت ءِ پریس ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی بحرین اقتصادی دیمروئی بورڈ ءِ نیمگ ءَ داتگیں استقبالیہ ءَ گوں تران کنان ءَ کت۔ صدر ءِ مملکت ءَ شاہ حمد بن عیسیٰ الخلیفہ ءُ ولی عہد ءُ مزن وزیر شہزادہ سلمان بن حمد الخلیفہ ءِ منت گپت ءُ شاہ حمد بن عیسیٰ الخلیفہ ءِ نیمگ ءَ آئی ءَ را شیخ عیسیٰ ایوارڈ داتگ ءُ اے دو نیمگی سیادی ءِ عکس لیک اتگ۔ آئی ءَ گوشت کہ اے وش اتک پاکستان ءُ بحرین ءِ نزیکی ءُ دیریں دوستی ءِ درشان انت۔ آئی ءَ اقتصادی دیمروئی بورڈ ءِ ھاسیں اسٹریٹجک وژن ءُ ادارگی مھکم ءِ توسیپ کت ءُ گوشت کہ بحرین ءِ سرمایہ کار دوستیں معیشت بدل بوھوکیں جھان ءِ چاگرد ءِ تہ ءَ یک لائقیں مثال اِنت۔ وھدے بحرین ءِ وزیر ءِ ھزانگ ءَ اقتصادی دیمروئی ءِ ھوالگ ءَ بریفنگ بندات کت گڈا صدر ءَ منامہ ءِ نیمگ ءَ اشارہ کت ءُ گوشت کہ دیمروئی آئی ءِ دیم ءَ ھاسیں رنگ ءَ گندگ ءَ کیت ایشی ءَ را ھچ وڑیں توجیل ءِ ضلورت نہ انت۔ صدر ءِ مملکت ءَ گوشت کہ اقتصادی دیمروئی بورڈ بحرین ءِ اقتصادی حکمت عملی ءِ جوڑ کنگ، درملکی سرمایہ کاری ءِ دیمروئی ءُ کلیدی شوبگ آنی تہ ءَ ایشی ءَ را تنوع ءِ تہ ءَ مرکزی کرد پیلو کنگ ءَ اِنت۔ آئی ءَ گوشت کہ سرکاری ادارگ ءُ نجی شوبگ ءِ گوما نزیکی ءِ وسیلگ ءَ بحرین ءَ مقابلہ ءِ توان ءَ را گیش کتگ، نوآبادیاتی ءِ دیمروئی کتگ ءُ سرمایہ کار آنی واستہ بھروسہ مند ءُ سازگاریں چاگرد جوڑ کتگ۔ آئی ءَ گوشت کہ پالیسی ءِ یکوئی ءُ سرمایہ کار آناں آسراتی ءِ واستہ ای ڈی بی ءِ ماڈل پائیدار ءُ ھواریں دیمروئی ءِ لوٹوکیں ملک آنی واستہ یک مثال اِنت۔ آئی ءَ گوشت کہ پاکستان بحرین ءِ دیمروئی ءِ سفر ءَ را ساڑاھ ءِ گوما چاریت ءُ دوئیں ملک آنی نیام ءَ مھکمیں یکوئی است انت۔ آئی ءَ پاکستان ءَ برجاہ اقتصادی گہتری ءِ ذکر کت ءُ گوشت کہ ملک ءِ معیشت استحکام، ڈیجیٹلائزیشن ءُ سرمایہ کاری ءِ بنیاد ءَ دیمروئی ءِ کشک ءَ انت۔ آئی ءَ ھاسیں سرمایہ کاری ءِ آسراتی کونسل ءَ را سرمایہ کار آنی واستہ یک یکجاھیں پلیٹ فارم ءِ رنگ ءَ گوشت کہ ایشی ءِ چیر دستی ءَ ایگریکلچر، انفارمیشن ٹیکنالوجی، توانائی، معدنیات، رسد ءُ سیل ءُ سواد ءِ سر ءَ دلگوشی دیگ بیت۔ آئی ءَ گوشت کہ پاکستان ءُ بحرین ءِ نیام ءَ کشت ءُ کشاری، فوڈ سیکیورٹی، انفارمیشن ٹیکنالوجی ءُ ڈیجیٹل سروسز، قابل تجدید توانائی ءُ رسد ءَ ھوار جتا جتائیں شوبگ آنی تہ ءَ کمک ءَ را گیش دیمروئی دیگ ءِ واستہ مزنیں گنجائش است انت۔ آئی ءَ پاکستان ءِ اسٹریٹجک جغرافیائی ارزشت ءِ سر ءَ زور پر دات، جنوبی ایشیا، میاں اوستمانی ایشیا، چین ءُ میاں اوستمانی تک ءَ را یکجا کنگ ءُ بحرین ءِ مالیاتی مہارت ءُ ریگولیٹری فریم ورک ءِ تکمیل کنگ۔ آئی ءَ دمگی ایمنی ءِ چیلنج ءُ دیمروئی ءِ سر ءَ ایشانی اثر آنی سر ءَ زور پر دات ءُ گوشت کہ پاکستان موثر انسداد انتہا پسندی، اندری سیکورٹی ءَ را مھکم کنگ ءُ ھمساھگیں ملک آنی گوما امنیں سیادی آناں دیمروئی دیگ ءِ واستہ جزم انت۔ آئی ءَ سرمایہ کاری ءِ رکھینگ ءُ دوئیں نیمگ ءَ چہ فائدگ مندیں شریکداری ءِ دیمروئی ءِ واستہ پاکستان ءِ عزم ءِ سر ءَ زور پر دات ءُ بحرین ءِ سروکی ءُ اقتصادی دیمروئی بورڈ ءِ دو نیمگی اقتصادی کمک ءِ دیمروئی ءِ واستہ وتی کرد ءِ سر ءَ منت گپت۔