ورلڈ ڈائیلاگ فورم ءِ سروک ءَ ادارُکی صدر سید یوسف رضا گیلانی ءَ گوں گند ءُ نند

اسلام آباد۔15جنوری  (اے پی پی): مزن وزیر ءِ مملکت ءِ ایوان ءَ ادارُکی صدر سید یوسف رضا گیلانی ءَ گوں ورلڈ ڈائیلاگ فورم ءِ صدر ءُ چیف ایگزیکٹو آفیسر غزنفر ہاشمی ءَ گند ءُ نند کت۔ صدارتی ایوان ءِ میڈیا ونگ ءِ رد ءَ غزانفر ہاشمی ءَ ادارُکی صدر ءَ را ورلڈ ڈائیلاگ فورم ءِ مول ءُ مراد ءُ چست ءُ ایر آنی بابت ءَ سرپد کت ءُ سرپد کت کہ فورم ءِ چارمی سالی میاں اوستمانی کانفرنس اے سال ءِ اپریل ءَ واشنگٹن ڈی سی ءَ برجم دارگ بیت۔ آئی ءَ گوشت کہ کانفرنس ءَ پاکستان ئُُ امریکا ءِ نیام ءَ گیش پراھ ءُ شاھگانیں دو نیمگی سیادی ءِ سر ءَ دلگوشی دیگ بیت، ایشی ءِ تہ ءَ پارلیمانی کمک، تجارت، اقتصادی سیادی ھوار اَنت۔ آئی ءَ ادارُکی صدر ءَ را کانفرنس ءَ بہر زورگ ءِ دعوت ھم دات۔ ادارُکی صدر سید یوسف رضا گیلانی ءَ فورم ءِ جہانی گپ ءُ تران، وت مہ وتی ءُ میاں اوستمانی کمک ءِ دیمروئی ءِ تہا کرد ءِ توسیپ کت۔