مزن وزیر شہباز شریف ءِ وژن ءِ چیر دستی ءَ پاکستانی سروکی ءِ پبلک کیئر ءِ کوشست آناں جھان ءِ تک ءَ منگ بیت، منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال فورم ءَ گوں تران

میڈرڈ، سپین ۔15جنوری  (اے پی پی):منصوبگ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ چاگردی سرمایہ کاری ءِ پدا واتر بوھگ ءِ واستہ سیاسی حکومت ءُ ٹائم لائن ءِ نیام ءَ یکوئی المی اِنت۔ ابتدائی بچپن ءِ دیمروئی ءِ تہا ھاسیں چاگردی سرمایہ کاری ءِ دراجیں مدتی بدلی ءِ اثرات ءِ باوجود باز براں نظر انداز کنگ بیت۔ بچپن ءِ دیمروئی سیاسی مول ءُ مراداں چہ ابید راجی اولویت ءِ دروشم ءَ بہ بیت۔ زھگانی اولی سالانی تہ ءَ سرمایہ کاری ایوک ءَ چاگردی رھشونی ءِ جیڑھ نہ اِنت بلکیں انسانی ھک ءُ وشھالیں اقتصادی پالیسی ءِ بنیاتی جُست ءِ ھم نمائندگی کنت۔ ناکافی غذائیت ءُ اولی سالانی تہا نادراہی ءِ ھیالداری ءِ سبب ءَ زھگانی جسمانی دیمروئی، زانشتی توانائی ءُ خلاقیت ءِ سرا اثر کپیت۔ جدت ءُ خلاقیت ءِ رد ءَ بیان کتگیں دور ءَ ، کسانی ءِ نگہداشت ءِ کوالٹی راجانی آیوکیں معاشی مقابلہ ءُ وتی زھگانی چاگرد ءَ پیداواری شریک بوھگ ءِ توانائی ءِ تعین کنت۔ پاکستان ءَ یکیں وھد ءَ بازیں چیلنج آنی دیمپانی کنگ ءَ اِنت، ایشی ءِ تہ ءَ تباہ کنوکیں سیلاب، تہی بے لوگی، پناہ گزین آنی آھگ، وردن ءِ ناامنی ءُ مزنیں مالی جیڈھ ھوار اَنت۔ پاکستان ءِ جہانی گرین ہاؤس گیس ءِ کشگ ءِ تہا یک درسد ءَ چہ کم شریک انت بلے ایشی ءِ آسر غیر متناسب انت۔ ما چہ آب و ہوا ءِ سبب ءَ آسیب مند تریں ملکاں ھوار ایں ۔ سال ۲۰۲۲ ءَ سیلاب ءَ مئے یک سیمی بھرے ءِ آبادی سک باز تاوان داتگ۔ آب ءَ گریب تریں دمگاں لگت داتگ ءُ مئے ہشت سال ءِ دیمروئی ءِ ہدف پائیدار ءِ نیمگ ءَ چہ ہلاس کتگ۔ پاکستان دگہ ملکانی غیر ذمہ دارانہ دیمروئی ءِ رھبندانی ھرچ ءَ دنت۔ نوک جوڑی ءِ واستہ میاں اوستمانی کمک ءِ رسگ ءِ کوشست ءَ مارا موسمیاتی انصاف ءِ پھجارینگ ءِ بدل ءَ گیشیں قرضہ ءِ سر ءَ زورگ ءِ پنت ءُ شون کنگ بیت۔ انسانی بحران ءُ قدرتی آفتانی تہا زھگ ءُ جنین آدم مدام رنج ءُ گم ءِ دیم ءَ انت۔ ما موسمیاتی بدلی ءَ مئے زھگاں دائمی تاوان دیگ ءِ اجازت نہ دئیں۔ اے عزم ءَ چہ پاکستان ءِ زوتیں زھگانی دیمروئی ءِ جامع حکمت عملی ءِ دیمروئی ءِ سبب جوڑ بوت کہ ایشی ءَ اے چیلنج آناں منظم رنگ ءَ گیش ءُ گیوار کتگ۔ ءِ سرا ھاسیں روڈ میپ داتگ۔ اے ھیال ءُ لیکہ ءِ درشانی منصوبہ بندی، دیمروئی ءُ ھاسیں گامگیج آنی وفاقی وزیر پروفیسر احسن اقبال ءَ یونیسیف، جھان ءِ جان سلامتی ءِ گل ءُ اسپین ءِ حکومت ءِ یکجائی ءَ برجم داشتگیں مزنیں تک ءِ راجدپتری میاں اوستمانی مراگش ءِ ساھت ءَ کتگ۔ فورم ءَ جہانی رہشون ءُ سیادی داروکیں واکدار آنی ہمراہی ءَ شواہد ءِ سرا مبنی نگہداشت ءِ حکمت عملی ءِ وسیلگ ءَ زھگ ءُ ھاندان ءِ وشحالی ءِ ھاسیں ایجنڈا ءَ را دیم ءَ برگ ءِ ایجنڈا ءِ دیمروئی ءِ تہا ھواریں کارکن آنی بھر زوری بوتگ۔ پبلک کیئر ءِ ھوالگ ءَ برجم داشتگیں فورم ءَ گوں تران کنان ءَ وفاقی وزیر احسن اقبال ءَ اے گامگیج ءِ ارزشت ءَ را من اِت ءُ گوشت کہ من ءَ اے گپ ءُ تران ءِ تہ ءَ ایوکیں مردیں بھر زورگ ءِ شرپ اِنت۔ پنچ شمبے ءِ روچ ءَ وزارت ءِ منصوبگ بندی، دیمروئی ءُ ھاسیں گامگیج آنی نیمگ ءَ جاڑی بوتگیں بیان ءِ رد ءَ وفاقی وزیر ءَ گوشت کہ اے فورم باز پیسر ءَ چہ برجم دارگ لوٹ اتگ بلے نہ کنگ ءَ چہ دیر ءَ شرتر اِنت۔ اے مراگش ءِ تہ ءَ نگہبان آنی کمک ، ھاندان ءِ مھکم کنگ ءُ زھگ آنی ھک ءُ دیمروئی ءِ رکھینگ ءِ مول ءُ مراد ءَ گوں شواہد ءِ سر ءَ مبنی والدین ءِ پروگرام آناں گیش کنگ ءِ ھاترا یک جامعیں جھان ءِ روڈ میپ ءِ جوڑ کنگ ءِ سر ءَ دلگوشی دیگ بوتگ۔ جتا جتائیں حکومت، یونیسیف، ڈبلیو ایچ او ءُ میاں اوستمانی وکالت ءِ ادارگ آنی مزنیں نمائندگاں المی چاگردی بنیاتی ڈھانچگ ءِ رنگ ءَ جہانی ھیالداری ءِ پھجارینگ ءِ ھوالگ ءَ جوانیں رھبند ءُ پالیسی ءِ لیکہ آناں شیئر کتگ۔ پروفیسر احسن اقبال ءَ جہانی تک ءَ حکومت آنی دیم ءَ یک بنیاتی چیلنج ءِ سر ءَ زور پر دات ءُ گوشت کہ سیاسی رژیم ءُ چاگردی سرمایہ کاری آنی پدا واتر بوھگ ءِ ٹائم لائن ءِ نیام ءَ یکوئی المی اِنت۔ وفاقی وزیر ءَ وتی گشتانک ءِ ساھت ءَ گوشت کہ مئے حکومت آنی تہ ءَ مئے دیم ءَ بنیاتی جیڈھ حکومت آنی پنچ سالی مدت اِنت ءُ اے رنگیں سرمایہ کاری پنچ سال ءَ آسر نہ رس ایت۔ آئی ءَ درشان کت کہ حکومت عمومی رنگ ءَ ھما کم مدتی سرمایہ کاری ءَ را ترجیح دئینت کہ آ سئے چہ پنچ سال ءِ تہ ءَ ٹھوس آسراتی ءِ واھند بہ بنت تانکہ دوبر گچین کاری ءَ را پچ بہ کن اَنت۔ آئی ءَ اے گپ ءِ سر ءَ ھلاس کت کہ کسانی ءِ دیمروئی ءِ تہ ءَ ھاسیں چاگردی سرمایہ کاری ءِ دراجیں مدتی بدلی ءِ اثرات ءِ باوجود باز براں چہ چماں گار کنگ بیت۔ پروفیسر احسن اقبال ءَ گوشت کہ اے چیلنج ءِ گیواری ءِ واستہ پاکستان ءَ میڈیا ءُ سول سوسائٹی ءِ ادارگ آنی گوما اسٹریٹجک شریکداری جوڑ کتگ تانکہ احتساب ءِ ھوالگ ءَ سرپدی پیداک کنگ بہ بیت تانکہ اے گپ ءَ را دل یکیمی کنگ بہ بیت کہ زھگ آنی دیمروئی سیاسی مول ءُ مراد آنی تہ ءَ چہ ابید راجی اولویت ءِ تہ ءَ مانیت۔ وفاقی وزیر احسن اقبال ءَ زور پر دات کہ زھگ آنی بنداتی سال آنی تہ ءَ سرمایہ کاری ایوک ءَ چاگردی وشھالی ءِ جیڈھ نہ اِنت بلکیں انسانی ھک ءُ جوانیں اقتصادی پالیشی ءِ بنیاتی جیڈھ ءِ نمائندگی کنت۔ وفاقی وزیر ءَ زوتیں کسانی ءِ تہ ءَ سرمایہ کاری ءِ پُشت ءَ اقتصادی ضلورت ءِ درشان کنان ءَ گوشت کہ بنداتی سال آنی تہ ءَ ناکافی وردن ءُ نادراھی ءِ ھیالداری ءَ چہ زھگ آنی جسمانی دیمروئی، زانشتی توانائی ءُ خلاقیت ءَ را تاوان رسیت۔ احسن اقبال ءَ فورم ءِ ساھت ءَ گْوشتگ کہ اگاں زھگ ءَ شریں وڑے ءَ ورگ نہ دیگ بہ بیت، اگاں زھگ ءَ را بنداتی سالاں شریں وڑے ءَ چار ءُ بچار کنگ مہ بیت گڑا زھگ ءِ دیمروئی ءِ سر ءَ تاوان رسیت ءُ آ پیداواری، خلاقی نہ بیتبوت کنت۔ سٹنٹنگ ءِ سبب ءَ زھگ جسمانی رد ءَ کمزور بنت ءُ آیانی زانشتی توانائی ھم تاوان بنت۔ آئی ءَ گوشت کہ نوآبادیاتی ءُ خلاقیت ءِ وسیلگ ءَ چہ ٹھینگ بوتگیں دور ءَ زوتیں زھگ آنی چار ءُ بچار ءِ کوالٹی راج آنی آیوکیں اقتصادی مقابلہ ءُ وتی زھگ آنی چاگرد ءِ تہ ءَ پیداواری رنگ ءَ کرد پیلو کنگ ءِ توانائی ءِ تعین کنت۔ آئی ءَ گلوبل کیئر گیور فورم ءَ را سرپد کت کہ پاکستان دگنیا ءِ مستریں انسانی سرمایہ ءِ واھندیں ملک آنی تہ ءَ ھوار اِنت ءُ ملک ءِ 95ملین ءَ چہ گیش زھگ آنی تہ ءَ نزیک ءَ 41ملین زھگ پنچ سال ءَ چہ کم عمر اَنت۔ شواہد ءِ رد ءَ 54 درسد یا نزیک ءَ 33 ملین پاکستانی زھگ کہ آھانی عمر 5 سال ءَ کم اِنت آ وتی سرجمیں دیمروئی ءِ توانائی ءَ سر نہ بوھگ ءِ ھترہ ءَ اَنت کہ آھانی تہ ءَ نا شریں وردن ءُ وراک، کمیں وانگ ءِ موہ، گریبی ءُ نزوریں ھیالداری ءِ چاگرد ءِ سبب ءَ ھست اَنت۔ دیمترا 80 ءُ 89 درسد زھگاں لوگ ءَ زوراکی ءِ نظم ءُ ضبط ءِ تجربہ بیت کہ اے گپ ءِ سرا زور دیگ بیت کہ والدین ءِ جامع کمک ءِ پروگرامانی زوتیں لوٹ ءُ گزر ءِ سرا زور دیگ بیت۔ وفاقی وزیر پروفیسر احسن اقبال ءَ پاکستان ءِ پیچیدہ دیمروئی ءِ تناظر ءَ گوں ھاسیں رنگ ءَ گوشت کہ ملک ءَ را یکیں وھد ءَ بازیں چیلنج آنی دیم ءَ انت، ایشی ءِ تہ ءَ تباہ کنوکیں سیلاب، تہی بے لوگی، پناہ گزین آنی آھگ، وردن ءِ ناامنی ءُ مالیاتی شدیدیں جیڈھ ھوار انت۔ آئی ءَ گوشت کہ من چہ ھما ملک ءَ آں کہ سیلاب، آوار جنگ، پناہ گزین آنی آھگ، وردن ءِ ناامنی ءُ مالیاتی جیڈھ آنی آماچ اِنت۔ آئی ءَ گوشت کہ سائنسی شواہد ءَ چہ اے گپ پدر بیت کہ اے پڑ ءَ تاخیر کدی ھم غیر جانبدار نہ بیت ءُ انسانی سرمایہ ءَ را دائمی تاوان دنت کہ اے کجام ھم ملک ءِ ارزشتی ایں اثاثہ اِنت۔ وفاقی وزیر ءَ گوشت کہ دگنیا ءِ موسمیاتی رد ءَ نزوریں ملک آنی تہ ءَ یکے ءِ بستار ءَ پاکستان ءِ گلوبل گرین ہاؤس گیس ءِ کشگ ءِ تہ ءَ یک درسد ءَ چہ کم بھر ءُ بانگ اِنت بلے ایشی ءِ آسر غیر متناسب اَنت۔ احسن اقبال ءَ فورم ءِ ساھت ءَ گوشت کہ ما موسمیاتی رد ءَ زیان مندیں ملک آنی تہ ءَ ھوار ایں ۔ آئی ءَ گیش کرتگ کہ 2022 ءَ ما یک انچیں سیلاب ءِ آماچ بوتگیں کہ آئی ءَ مئے یک سیمی بھر ءِ آبادی ءَ را سک باز تاوان داتگ ءُ آپ ءَ گریب تریں دمگ آناں تاوان داتگ ءُ پائیدار دیمروئی ءِ مول ءُ مراد آنی تہ ءَ مئے ھشت سالی پیشرفت ءَ را ھلاس کتگ۔ فورم ءِ ساھت ءَ تلخیں طنز ءِ سر ءَ چمشانک دیان ءَ وفاقی وزیر احسن اقبال ءَ گوشت کہ پاکستان دگہ ملک آنی غیر ذمہ واریں دیمروئی ءِ کار آنی مول ءُ مراد ءَ دنت ءُ وھدے کہ نوک جوڑیشت ءِ واستہ میاں اوستمانی کمک ءِ گرگ ءِ کوشست کنگ بیت گڈا مارا موسمیاتی انصاف ءِ پجارینگ ءِ بدل ءَ گیشیں قرضہ ءِ سر ءَ زورگ ءِ پنت ءُ شون کنگ بیت۔ آئی ءَ گوشت کہ انسانی بحران ءُ قدرتی آفت آنی تہ ءَ کودک ءُ زالبول مدام رنج ءُ گم ءِ دیم ءِ لیکہ آنی سر ءَ بنت۔ اے گپ ءَ را منگ ءَ آئی ءَ اے گپ ءِ سر ءَ زور پر دات کہ ما موسمیاتی بدلی ءَ را وتی زھگاں دائمی تاوان دیگ ءِ اجازت نہ دیگ ءِ گچین کتگ۔ اے عزم ءَ چہ پاکستان ءِ زوتیں زھگانی دیمروئی ءِ سرجمیں حکمت عملی ءِ دیمروئی ءِ سبب جوڑ بوت، ایشی ءَ اے چیلنج آناں منظم رنگ ءَ گیش ءُ گیوار کنگ ءِ واستہ یک ھاسیں روڈ میپ ءِ دیم ءَ آؤرتگ۔ وفاقی وزیر ءَ گوشت کہ 2025ءَ پاکستان ءَ ارلی چائلڈ ہڈ ڈویلپمنٹ پالیسی فریم ورک ءِ بندات کتگ کہ اے راجی دیمروئی پالیشی ءِ تہ ءَ برجم اِنت ءُ یوران پاکستان فریم ورک ءِ گوما ھمگرنچ اِنت ایشی ءِ تہ ءَ مساوات ءُ بااختیار کنگ بنیاتی ستون آنی بستار ءَ کار کنت۔ اے فریم ورک ریاست ءَ را اے گپ ءِ پابند کنت کہ ہشت سال ءِ عمر ءَ تاں ہر زھگ ءَ را جان سلامتی، غذائیت ءُ زوتیں وانگ، ذمہ واریں ھیالداری ءُ یکجاھیں نظام ءِ وسیلگ ءَ رکھینگ بہ بیت۔ احسن اقبال ءَ اے دیمروئی ءِ ممکن کنگ ءِ تہا یونیسیف ءِ انمولیں کرد ءِ منگ ءِ وھد ءَ اے گپ ءِ منگ ءَ گوں اے گپ ءِ منگ ءَ چہ ایوک ءَ پالیسی بدلی آرگ نہ بیت۔ پاکستان ءَ وفاقی ءُ صوبائی ارلی چائلڈ ڈویلپمنٹ سٹیئرنگ کمیٹی جوڑ کنگ ءَ حکومتی ڈھانچہ ءَ را مھکم کتگ کہ ایشی ءِ سروکی منصوبہ بندی ءُ دیمروئی ءِ محکمہ انت۔ اے کمیٹی جان سلامتی، وانگ ءُ زانگ، تغذیہ، زھگانی رکھینگ ءُ چاگردی رکھینگ ءِ شوبگ آنی تہ ءَ یکجاہ کنگ بوتگ اَنت۔ وفاقی وزیر احسن اقبال ءَ فورم ءِ ساھت ءَ گوشت کہ اے یک بنیاتی پالیسی ءِ بصیرت ءِ درشان اِنت کہ موسمی بدلی ءِ وھد ءَ یک نظام ءِ بستار ءَ ھاندان جتا جتائیں زندمان ءِ تجربہ کن اَنت ءُ سرکاری ھزمت ھم ھمے رنگ ءَ بہ کن اَنت۔ پروفیسر احسن اقبال ءَ فورم ءِ ساھت ءَ گوشت کہ اے حکمت عملی پاکستان ءِ کسانی ءِ تہ ءَ سرمایہ کاری ءِ رھبند ءِ رھشونی کنت۔ ثبوت ءِ رد ءَ زوتیں مداخلت ءَ چہ گیشتریں منافع رس ایت وھدے کہ آ گیشتریں نزوریں زھگانی سر ءَ دلگوش دیگ بنت۔ آئی ءَ گوشت کہ پالیسی ءِ رد ءَ پاکستان ءِ موسم ءِ سبب ءَ گیشتر آماچیں ءُ معاشی رد ءَ نزوریں ضلع آنی تہ ءَ وردن ءِ پروگرام، ویکسینیشن مہم، زوتیں وانگ ءِ گامگیج، پیدائش ءِ رجسٹریشن مہم ءُ جتا جتائیں چاگردی رکھینگ ءِ اسکیم آنی ھوار مات ءُ پت آنی واستہ کمک ءِ پجارینگ بوھگ ءَ اِنت۔ آئی ءَ گوشت کہ ما اولی رند ءَ کسانیں آنی رکھینگ ءِ گچین کتگ۔ پروفیسر احسن اقبال ءَ گیش کت کہ پاکستان ءَ ”پروجیکٹ پلے“ ءِ وڑیں ھاسیں انسانی گامگیج آنی وسیلگ ءَ سائنسی زانت ءُ سرپدی آنی سر ءَ ترندیں رنگ ءَ عمل درآمد کتگ کہ ایشی ءِ تہ ءَ زھگ آنی نادراھی ءِ درمان ءِ تہ ءَ ذمہ واریں چار ءُ بچار ءُ نفسیاتی محرک ءِ یکجا کنگ بوتگ۔ احسن اقبال ءَ گشتگ کہ وھدے زھگ ءِ علاج کنگ بیت گڑا نگہبان ءَ را زھگ ءِ گوما گپ ءُ تران، گوازی ءُ ھوار بوھگ ءِ تربیت دیگ بیت کہ ایشی ءَ چہ خطرناکیں سٹریس کم بیت ءُ بحران ءِ وھد ءَ ھم دماغ ءِ وش بوھگ ءَ کمک رسیت۔ آئی ءَ گوشت کہ اے رواج نوں پاکستان ءِ غذائیت ءِ علاج ءِ ازمت آنی تہ ءَ ھواریں بھر اِنت ایشی ءَ را گلوبل گائیڈنس فریم ورک ءِ تہ ءَ ھوار کنگ بہ بیت۔آئی ءَ گوشت کہ چاگردی شوبگ ءِ ذمہ واری صوبائی حکومت آناں دیم دیگ بوتگ، ایشی ءِ تہ ءَ پاکستان ءَ وفاقی ءُ صوبائی واکدار آناں یکجا کنگ ءِ یکجائی سٹیئرنگ کمیٹی جوڑ کتگ تانکہ پالیسی ءِ ھمگرنچی ءُ عملدرآمد ءَ را دل یکیمی کنگ بہ بیت۔ حکومتی ہم آہنگی ءَ چہ ابید پاکستان ءَ وانگ ءُ زانگ ءِ ادارگ ءُ نجی شعبہ ءِ گوما سرگرمیں رنگ ءَ شریک انت تانکہ زوتیں زھگ ءِ دیمروئی ءَ را دیم ءَ برگ ءُ ایشی ءِ المی ئیں ارزشت ءِ بابت ءَ الس ءَ را سرپدی دیگ بہ بیت۔ احسن اقبال ءَ گوشت کہ اے بدلی ءِ واستہ نوکیں گامگیج ءِ تہ ءَ سرجمیں پاکستان ءَ یونیورسٹی کیمپس آنی تہ ءَ ورنا امن ءُ دیمروئی کور ءِ جوڑ کنگ ھوار اِنت۔ وفاقی وزیر احسن اقبال ءَ فورم ءِ ساھت ءَ گوشت کہ ما یک انچیں ملکے آں کہ ایشی ءِ آبادی سک ورنا اِنت ءُ ما لوٹ ایں کہ پاکستان ءِ ورنا آیوکیں وھد ءِ دیمروئی ءِ ذمہ واری ءَ بہ زور اَنت، پمیشکا ما کمیونٹی سوشل موبائلائزر ءِ بستار ءَ ھزاراں ورنا رضاکار آناں تربیت دیگ ءَ ایں ۔ اے رضاکار وتی کمیونٹیز ءَ واتر بوھگ ءِ ھاتر ءَ جامع تربیت ءِ رسگ ءَ انت ءُ والدین ءِ تہا زھگ ءِ چار ءُ گزار ءِ ھاتر ءَ جوانیں رھبند ، گہتریں وردن ءُ حفظان صحت ءِ ماحول ءِ وسیلگ ءَ چہ رکگ ، پولیو ءِ ویکسینیشن ءِ ارزشت ءُ دگہ المی ئیں جان سلامتی ءِ مداخلت ءِ بابت ءَ سرپدی پیداک کنگ ءِ ھاتر ءَ سرپدی پیداک کنگ بیت۔ اے گراس روٹ ءِ رھبند ءِ مول ءُ مراد پاکستان ءِ دہائیاں چہ بوتگیں کسانی ءِ سٹنٹنگ ءِ جیڈھ آناں گیش ءُ گیوار کنگ ءُ یک جان سلامتیں نسل ءِ بُن ھشت ایر کنگ اِنت کہ پاکستان ءِ انسانی وسیلگاں چہ سرمایہ کاری کنت۔ وفاقی وزیر منصوبہ بندی، دیمروئی ءُ ھاسیں گامگیج پروفیسر احسن اقبال ءَ اے گپ ءِ سر ءَ زور پر دات کہ زھگ ءِ زوتیں دیمروئی ءِ چیلنج آنی کساس چہ ھرچ حکومت ءِ توانائی ءَ در اِنت کہ آ ایوک ءَ ایشی ءَ را گیش ءُ گیوار بہ کنت۔ اے انچیں مزنیں چیلنجے کہ ہچ حکومت اے ذمہ واری ءَ ایوک ءَ پیلو نہ کنت، اے یک سرجمیں چاگرد ءِ رھبندے بہ بیت کہ ایشی ءِ تہ ءَ حکومت یقینی رنگ ءَ یک کلیدی کردے پیلو کنت بلے مارا حکومت ءَ چہ گیش سول سوسائٹی، وانگ ءُ زانگ ءِ ادارگ ءُ چہ درستاں مستریں گپ ایش اِنت کہ میڈیا ءَ گوں شریک بوھگ لوٹ ایت دانکہ میڈیا حکومت ءِ ایجنڈا ءِ سر ءَ چاگرد آنی تہ ءَ سرپدی پیداک بہ کنت۔فورم ءَ آفاقی کمکی نظام ءِ وسیلگ ءَ والدین ءُ نگہداشت کنوکاں بااختیار کنگ ءِ ھاتر ءَ گیش بوھوکیں میاں اوستمانی تپاکی ءِ سر ءَ زور پر دات کہ آ جان سلامتی ، لچکدار ءُ ایمنیں زھگ آنی دیمروئی ءِ ھاتر ءَ المی انت ءُ ھمے رنگ ءَ 21می کرن ءِ چیلنج آناں دیم ءَ آرگ ءِ اہلیں شمولیت ءُ پائیداریں چاگرد آنی جوڑ کنگ ءِ ھاتر ءَ المی انت۔ فورم ءَ وفاقی وزیر احسن اقبال ءِ ھم توسیپ کتگ کہ آئی ءَ گلوبل کیئر ایجنڈا ءِ سروکی کتگ ءُ ھاسیں گامگیج کتگ۔