اسحاق ڈار ءِ سروکی ءَ ای سی این ای سی ءِ دیوان ءَ 117ارب کلدار ءَ چہ گیش ءِ مزنیں دیمروئی منصوبگ آنی منظوری

اسلام آباد۔15جنوری  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءِ سروکی ءَ ای سی این ای سی ءِ دیوان ءَ 117ارب کلدار ءَ چہ گیش ءِ مزنیں دیمروئی منصوبگ آناں منظوری دات۔ پنچ شمبے ءِ روچ ءَ درئی کارانی کارگس ءِ نیمگ ءَ چہ جاڑی بوتگیں بیان ءِ رد ءَ منصوبگ آنی تہ ءَ جان سلامتی ءِ آسراتی پروگرام ءِ 30جولائی 2026ءَ تاں گیش کنگ، توانائی، بنیاتی ڈھانچہ ءُ ٹرانسپورٹ ءِ شوبگ آنی تہ ءَ گامگیج، چاگردی ءُ اقتصادی دیمروئی ءِ دیمروئی ءُ سرکاری آسراتی آنی پجارینگ ءِ تہ ءَ گہتری ھوار اِنت۔ نائب مزن وزیر ءُ وزیر ءِ درئی کار ءَ سیادی داروکیں وزارت آناں ہدایت کت کہ اے منصوبگ آنی جوانیں منصوبگ بندی، وھد ءِ سر ءَ سرجم کنگ ءُ برجائی ءَ را دل یکیمی کنگ بہ بیت۔ گند ءُ نند ءِ تہ ءَ وزیر ءِ ھزانگ، مزن وزیر ءِ ھاسیں کمکار، سندھ ءِ وزیر ءِ منصوبگ بندی، دیمروئی ءُ آبپاشی، کابینہ، جان سلامتی، مواصلات ءُ منصوبگ بندی ءِ سیکرٹری ءُ سیادی داروکیں وزارت آنی مزن مزنیں کارندہ آں بھر زوری کت۔