ورلڈ بینک ءِ ڈل ءَ وزیر خزانہ محمد اورنگزیب ءَ گوں گند ءُ نند کتگ، منصوبگ آناں سی پی ایف ءُ گہتری ءِ ایجنڈا ءِ گوما یکجا کنگ ءِ واستہ تکنیکی سطح ءِ مشغولیت ءَ را برجاہ دارگ ءِ سر ءَ تپاک

اسلام آباد۔15جنوری  (اے پی پی): پاکستان ءُ ورلڈ بینک ءِ نیام ءَ پیش کرتگیں مداخلت آنی دائرہ کار ءَ را تنگ کنگ، اولویت آناں گیش گہتر کنگ ءُ آیوکیں ورلڈ بینک ءِ کمک ءَ چہ ھواریں پروگرام آناں ملکی شریکداری ءِ فریم ورک ءُ اقتصادی گہتری ءِ ایجنڈا ءِ گوما یکجا کنگ ءِ واستہ تکنیکی تک ءِ ھوار بوھگ ءَ را برجاہ دارگ ءِ سر ءَ تپاک کتگ۔ اے گپ وفاقی وزیر ءِ ھزانگ ءُ ریونیو سینیٹر محمد اورنگزیب ءُ پاکستان ءَ ورلڈ بینک ءِ کنٹری ڈائریکٹر ءِ سروکی ءَ سیادی داروکیں ورلڈ بینک ٹیم آنی نیام ءَ گند ءُ نند ءِ تہ ءَ گوشگ بوت۔ گند ءُ نند ءِ مول ءُ مراد ورلڈ بینک ءِ ملکی شریکداری فریم ورک ءِ چیر دستی ءَ پاکستان ءِ گوما برجاھیں کمک ءِ چار ءُ تپاسی ءُ ترجیحی شوبگ آنی سر ءَ گپ ءُ تران کنگ بوتگ۔ گند ءُ نند ءِ ساھت ءَ ورلڈ بینک ءِ ٹیم ءَ وزیر ءِ ھزانگ ءَ را ملکی شریکداری فریم ورک ءِ چیر دستی ءَ جاری آپریشن ءُ منصوبگ آنی پیشرفت ءِ بابت ءَ سرپدی دات، ایشی ءِ تہ ءَ مالیاتی ءُ آمدنی ءِ گہتری، اقتصادی استحکام ءَ را مھکم کنگ ءِ کوشست ءُ پالیسی ءِ سر ءَ بنیات ءِ سر ءَ شریکداری ءِ تہ ءَ نوکیں پیشرفت ھوار اَنت۔ دوئیں نیمگ ءَ اے گپ من اِت کہ پاکستان ءَ زانتکاریں مالیاتی ءُ زرّ ءِ بدلی ءِ پالیشی آنی وسیلگ ءَ اقتصادی استحکام ءِ نیمگ ءَ پیشرفت کتگ ءُ اے استحکام ءَ را پائیدار اقتصادی دیمروئی، سرمایہ کاری ءِ تہ ءَ گیشی، ءُ روزگار ءِ پیداک کنگ ءِ ضلورت ءِ سر ءَ زور پر دات۔ ورلڈ بینک ءَ نجی سرمایہ کاری ءَ را ترند کنگ ءِ ارزشت ءِ سر ءَ زور پر دات ءُ اے گپ ءِ سر ءَ دلگوش دات کہ سرمایہ کاری ءِ انوگیں کچ ءُ کساس ملکی شریکداری فریم ورک ءِ نیمگ ءَ ایر کتگیں ٹارگٹ ءَ چہ کم اِنت۔ گپ ءُ تران ءِ مول ءُ مراد یک جامع ءُ یکجاھیں سرمایہ کاری ءِ رھبند ءِ جوڑ کنگ بوتگ کہ آ ملکی شریکداری ءِ رھبند ءِ مول ءُ مراد ءِ رد ءَ اِنت ءُ ایشی ءِ تہ ءَ کاروباری چاگرد ءُ سرکاری ادارگ ءِ گہتری، تجارتی آسراتی، سرمایہ کاری مارکیٹ ءِ دیمروئی ءُ برآمداتی مقابلہ ءِ وڑیں پڑ ھوار اَنت۔ ورلڈ بینک ءَ نفاذ ءِ حمایت ءِ ھاتر ءَ پالیسی ءِ واضح سنگ میل، کارکردگی ءِ اشارہ ءُ ہدف مندیں تکنیکی کمک ءِ گوما نتیجہ ءِ سرا مبنی نقطہ نظر ءِ تجویز داتگ۔ وزیر خزانہ ءَ گوشت کہ ڈھانچہ ءِ گہتری پیسر ءَ چہ جاری انت، ایشی ءِ تہ ءَ ٹیرف ءِ نوکیں ڈھانچہ ءِ عقلی کنگ، سرکاری ادارگ آنی گورننس ءَ را گہتر کنگ، ریگولیٹری سسٹم ءَ را نوک کنگ ءُ شفافیت ءَ را گیش کنگ ءِ گامگیج ھوار انت۔ آئی ءَ سرمایہ کاری مارکیٹ آنی تہ ءَ گیشی، دراجیں مدتی مالیاتی وسیلگ آناں رسائی ءَ را گیش کنگ ءُ نجی شوبگ ءِ سروکی ءَ دیمروئی ءِ واستہ ادارگی ھمگرنچی ءَ را مھکم کنگ ءِ سر ءَ ھم زور پر دات۔ گند ءُ نند ءَ روزگار ءُ ہنر ءِ دیمروئی ءَ را اقتصادی دیمروئی ءِ کلیدی استون ءِ رد ءَ ھیال ریچی کنگ بوت۔ وزیر خزانہ ءَ مارکیٹ ءِ رد ءَ پیشہ وارانہ ءُ تکنیکی تربیت ءِ ضلورت ءِ سر ءَ زور پر دات، سرکاری ءُ نجی شعبہ ءِ نیام ءَ نزیکیں کمک ءُ مہارت ءِ دیمروئی ءَ را ملکی ءُ درملکی لیبر مارکیٹ ءِ لوٹ آنی گوما یکجا کنگ ءِ ضلورت ءِ سر ءَ زور پر دات، ھاسیں رنگ ءَ آئی ٹی، جان سلامتی، نرسنگ، مہمان نوازی ءُ تعمیرات ءِ وڑیں شوبگ آنی تہ ءَ۔ ورلڈ بینک ءَ لیبر موبلٹی، مہارت ءِ ہمگرنچ ءُ ڈیجیٹل لیبر مارکیٹ پلیٹ فارم ءِ سرا وتی جاری کار ءِ سرا چمشانک داتگ کہ ایشی ءِ مول ءُ مراد لیبر فورس ءِ پیداواری ءَ را گیش کنگ ءُ درملک ءَ روزگار ءِ موہ آناں گہتر کنگ اِنت۔ ڈیجیٹل سروسز ءِ برآمدات، ایگریکلچر ءُ زرعی کاروبار، معدنیات ءُ کان کنی، جان سلامتی، ءُ گچین بوتگیں مینوفیکچرنگ ءِ شوبگ آنی سر ءَ ھم آیوکیں ورلڈ بینک ءِ کمک ءَ منصوبگ آنی واستہ ممکنہ اولویت ءِ دمگ آنی رنگ ءَ گپ ءُ تران کنگ بوتگ۔ فریقین ءَ اے گپ ءِ سر ءَ تپاک کت کہ ریگولیٹری ءُ ادارگی گہتری ءِ چیر دستی ءَ ھدف مندیں شعبہ جاتی مداخلت ءَ چہ مزنیں اثر ءِ روزگار ءُ برآمدات ءِ تہ ءَ گیشی ءَ را گیش کنگ بوت کنت۔ ورلڈ بینک ءَ وزیر خزانہ ءَ را آیوکیں وھد ءِ ممکنہ منصوبگ آنی چیر دستی ءَ پالیسی ءِ سر ءَ بنیات ءِ گارنٹی آنی کارمرد کنگ ءِ بابت ءَ ھم سرپدی دات، ایشی ءِ مول ءُ مراد پاکستان ءِ قرضہ ءِ انتظام ءَ را گہتر کنگ، گرانیں قرضہ آنی دوبر مالی کمک کنگ ءُ نوکیں مالیاتی میکانزم آنی دیمروئی کنگ اِنت، اے درستیں چیز آنی سر ءَ تپاک کتگیں پالیسی ءِ مول ءُ مراد آنی سرجمی ءِ رد ءَ اِنت۔ آب و ہوا ءِ مالیات، رھبند ءِ سادگی، ءُ صوبائی حکومت آنی گوما ھمگرنچی ءِ سر ءَ ھم دیمروئی ءِ مالیات ءُ گہتری ءِ نفاذ ءِ گیشیں تناظر ءَ گپ ءُ تران کنگ بوتگ۔ فریقین ءَ پیش کرتگیں مداخلت آنی دائرہ کار ءَ را تنگ کنگ، اولویت آناں گیش گہتر کنگ ءُ آیوکیں ورلڈ بینک ءِ کمک ءَ چہ ھواریں پروگرام آناں ملکی شریکداری ءِ فریم ورک ءُ اقتصادی گہتری ءِ ایجنڈا ءِ گوما یکجا کنگ ءِ واستہ تکنیکی تک ءِ سر ءَ ھوار بوھگ ءِ سر ءَ تپاک کتگ۔