راجی فوڈ سیکیورٹی ءُ پٹ ءُ پول ءِ وفاقی وزیر رانا تنویر حسین ءَ فوڈ ءُ ایگریکلچر ءِ گلوبل فورم 2026 ءَ بہر زرتگ

برلن۔15جنوری  (اے پی پی): راجی فوڈ سیکیورٹی ءُ پٹ ءُ پول ءِ وفاقی وزیر رانا تنویر حسین جرمنی ءَ برجم دارگ بوھوکیں گلوبل فورم فار فوڈ اینڈ ایگریکلچر 2026 ءِ تہ ءَ بھر زوری ءِ واستہ برلن ءَ سر بوتگ۔ چار روچی جی ایف ایف اے 14ءَ چہ 17جنوری ءَ برجم دارگ بوھگ ءَ اِنت۔وزارت راجی فوڈ سیکیورٹی ءُ پٹ ءُ پول ءِ رد ءَ اے فورم ہر سال جرمنی ءِ وفاقی وزارت فوڈ اینڈ ایگریکلچر ءِ چیردستی ءَ برجم دارگ بیت، ایشی ءِ تہ ءَ دگنیا ءِ سروک فوڈ سیکیورٹی ءِ دیمروئی ءِ واستہ استحکام ءِ سر ءَ گپ ءُ تران کن اَنت۔ فورم ءِ ساھت ءَ وفاقی وزیر رانا تنویر حسین ءَ قزاقستان ءِ نائب وزیر کشت ءُ کشاری عزت سلطانوف ءِ گوما جوانیں گند ءُ نند کتگ ات، ایشی ءِ تہ ءَ کشت ءُ کشاری ءُ فوڈ سیکیورٹی ءِ شوبگ ءَ دو نیمگی کمک ءَ را گیش مھکم کنگ ءِ سر ءَ تران کتگ ات۔ اے موہ ءِ سر ءَ پاکستانی ڈل ءَ عملی شریکداری ءِ ضلورت ءِ سر ءَ زور پر دات کہ ایشی ءَ چہ پیداوار ءِ تہ ءَ گیشی، موسمیاتی لچک ءُ ویلیو چین ءِ دیمروئی ءَ کمک رسیت، وھدیکہ قازقستان ءَ ھمگرنچیں ادارگ ءُ تکنیکی تک ءَ منظم کمک ءِ وسیلگ ءَ رابطہ آناں گیش کنگ ءِ واھشت ءِ درشان کت۔ عزت سلطانوف ءَ جی ایف ایف اے 2026 ءَ پاکستان ءِ بھر زوری ءَ را وش آتک کنان ءَ قزاقستان ءِ واھشت ءِ درشان کت کہ پاکستان ءِ گوما وت مہ وتی مفاد ءِ شوبگ آنی تہ ءَ کمک ءَ را گیش کنگ بہ بیت۔ آئی ءَ مشترکہ اولویت آناں عملی کمک ءِ تہ ءَ بدل کنگ ءِ واستہ مھکمیں ادارگی سیادی ءُ باقاعدہ تکنیکی تک ءِ تبادلہ ءِ سر ءَ زور پر دات۔ دیوان ءَ ھما ممکنہ دمگ آنی سر ءَ ھم ھیال ءُ لیکہ کنگ بوتگ کہ ایشی ءِ سبب ءَ زرعی آسراتی آنی تہ ءَ گہتری، زانت ءِ تبادلہ ءُ نوکیں زرعی رھبند آنی تہ ءَ گیشیں کمک ءِ سبب جوڑ بوت کنت۔ یک جتاھیں گند ءُ نند ءِ تہ ءَ وفاقی وزیر رانا تنویر حسین ءَ کراپ ٹرسٹ ءِ ایگزیکٹو ڈائریکٹر اسٹیفن شمٹز ءَ گوں گند ءُ نند کت۔ اے موہ ءِ سر ءَ کشار ءِ تنوع ءِ رکھینگ ءُ جوانیں رنگ ءَ کارمرد کنگ ءِ ھوالگ ءَ کمک ءِ سر ءَ گپ ءُ تران کنگ بوت۔ وفاقی وزیر ءَ پاکستان ءِ کشت ءُ کشاری ءِ شوبگ ءَ ھاسیں رنگ ءَ موسم مزاحم ءُ مزاحم کشار آنی دیمروئی ءِ تہ ءَ کشار ءِ تنوع ءِ رکھینگ ءُ گہتری ءِ واستہ کراپ ٹرسٹ ءِ کرد ءَ را ساڑات ءُ پاکستان ءَ کراپ ٹرسٹ ءِ کارگس ءِ جوڑ کنگ ءِ دعوت دات تانکہ پٹ ءُ پول ءُ دیمروئی ءِ تہ ءَ کمک ءَ را گیش گہتر کنگ بہ بیت۔ اسٹیفن شمٹز ءَ موسمیاتی لچک ءِ سر ءَ پاکستان ءِ دلگوشی ءِ توسیپ کنان ءَ گوشت کہ کشار آنی دروشم  ءِ رکھینگ دراجیں مدت ءِ فوڈ سیکیورٹی، گہتریں وردن ءُ وراک ءُ شدید گرم، ھشک سالی، کیڑہ ءُ نادراھی آنی وڑیں نوکیں چیلنج آنی گیواری ءِ واستہ سک باز المی اِنت۔ آئی ءَ پاکستانی ادارگ آنی گوما کمک ءَ را گیش کنگ ءِ واھشت ءِ درشانی کت، ھاسیں رنگ ءَ تحفظ ءِ نظام ءَ را مھکم کنگ، پٹ ءُ پولی سیادی ءَ را گیش کنگ ءُ جینیاتی وسیلگ آناں کشت ءُ کشاری آنی واستہ زندگ داروکیں گیواری آنی تہ ءَ بدل کنگ ءِ واستہ یکجائی کوشست آنی سر ءَ زور پر دات۔ آئی ءَ پائیدار اثر، صلاحیت سازی ءُ علم ءِ ٹرانسفر ءِ واستہ راجی تک ءِ شریک آنی گوما مھکمیں کمک ءِ ارزشت ءَ را ھم زور پر دات۔ وفاقی وزیر رانا تنویر حسین ءَ گوشت کہ جی ایف ایف اے 2026 ءَ پاکستان ءِ بھر زوری ءَ چہ پاکستان ءِ حکومت ءِ موسمیاتی سمارٹ کشت ءُ کشاری، نوکیں چیز، پائیدار وسیلگ آنی بندوبست ءُ مھکمیں میاں اوستمانی شریکداری آنی واستہ پاکستان ءِ عزم ءِ درشان اِنت۔ پاکستان ءِ ڈل فورم ءِ ساھت ءَ پلینری سیشن، تھیمٹک سیشن ءُ وزارتی تک ءِ دیوان آنی تہ ءَ بھر زوری ءَ را برجاہ دار ایت تانکہ راجی اولیت آناں دیم ءَ برگ، جھان ءِ جوانیں کارروائی آناں چہ سیت چست کنگ ءُ دوستیں ملک ءُ میاں اوستمانی ادارگ آنی گوما کمک ءَ را گیش کنگ بہ بیت۔