پٹرولیم ءِ وفاقی وزیر علی پرویز ملک ءَ گیس ءِ سپلائی ءِ جاور ھال ءِ چار ءُ تپاسی ءِ واستہ دیوان ءِ سروکی کنگ ءَ انت

اسلام آباد۔15جنوری  (اے پی پی): پٹرولیم ءِ وفاقی وزیر علی پرویز ملک ءَ سوئی ناردرن گیس پائپ لائنز لمیٹڈ، سوئی ساؤتھرن گیس کمپنی ءُ آئل اینڈ گیس ریگولیٹری اتھارٹی ءِ مزنیں کارندہ آں گوں گند ءُ نند ءِ سروکی ءَ گند ءُ نند کت۔ گیس ءِ واستہ۔ پٹرولیم ڈویژن ءِ جارکش ءِ رد ءَ وفاقی وزیر ءَ ملکی صارفین ءَ را گیس ءِ سپلائی ءِ جیڈھ آنی سر ءَ سکیں نوٹس زرتگ ءُ سوئی گیس کمپنی آناں ہدایت کتگ کہ آ ملکی صارف آناں گیش ءَ چہ گیش آسراتی ءِ پجارینگ ءِ واستہ ترندیں ءُ درستیں المی گامگیج بہ زور اَنت ھاسیں رنگ ءَ زمستان ءِ موسم ءِ اوج ءِ وھد ءَ۔ آئی ءَ اے گپ ءِ پدرائی کت کہ ملکی صارف آناں ریلیف پجارینگ حکومت ءِ اولی ترجی اِنت۔ وفاقی وزیر ءَ ہدایت کت کہ گیس ءِ لوٹ ءُ گزر ءِ ھوالگ ءَ ہفتگی رپورٹ پٹرولیم ڈویژن ءَ را پیش کنگ بہ بنت تانکہ وھد ءُ پاس ءِ سر ءَ جوانیں پیسلہ کنگ بہ بیت ءُ آپریشنل لیول ءَ روچ ءِ بنیات ءَ نگرانی برجاہ دارگ بہ بیت۔ دیوان ءَ گوشگ بوت کہ گوستگیں 24کلاک آنی تہ ءَ گیس ءِ سپلائی ءِ سرجمیں جاور ھال آنی سر ءَ ھواریں سرجمیں رپوٹ پٹرولیم ڈویژن ءَ ھمک روچ سہب ءِ 10بج ءَ پیش کنگ بوھگ ءَ انت تانکہ ترندی ءَ گوں اصلاحی گامگیج کنگ بہ بیت۔ گند ءُ نند ءِ تہ سوئی ناردرن گیس پائپ لائنز لمیٹڈ ءِ منیجنگ ڈائریکٹر ءَ گیس ءِ استیں دستیابی ءِ بابت ءَ سرپد کت۔ آئی ءَ گوشت کہ 6 جنوری ءَ چہ گیس ءِ سپلائی 691 ایم ایم سی ایف ڈی ءَ چہ 746 ایم ایم سی ایف ڈی ءَ گیش کنگ بوتگ۔ آئی ءَ گیش گوشت کہ شیو گیس فیلڈ ءَ چہ پیداوار 55 ایم ایم سی ایف ڈی ءَ چہ 65 ایم ایم سی ایف ڈی ءَ سر کنگ بوتگ ایشی ءَ چہ گیس ءِ سپلائی ءَ گہتری اتکگ۔ پرویز ملک ءَ اے گپ ءِ سر ءَ زور پر دات کہ ملکی صارف آنی سر ءَ زور ءِ کم کنگ ءِ واستہ درستیں ممکنیں گامگیج آناں چار ءُ تپاسی کنگ بہ بیت ءُ ہدایت کت کہ شدیدیں سردی ءِ اے نازرکیں وھد ءَ صنعتی شوبگ ءَ چہ ملکی شوبگ ءَ گیشیں گیس ءِ دیم دیگ ءِ امکانات آنی سر ءَ چار ءُ تپاسی کنگ بہ بیت۔ سوئی ساؤتھرن گیس کمپنی ءِ منیجنگ ڈائریکٹر ءَ دیوان ءَ را سرپد کت کہ دو گیس فیلڈز ءَ چہ گیس ءِ سپلائی بحال کنگ ءَ پد گیس ءِ سپلائی ءِ جاور ھال گہتر بوتگ انت۔ آئی ءَ گوشت کہ گوستگیں سال ءِ ھمے وھد ءِ مقابلہ ءَ ملکی صارف آناں 39 ایم ایم سی ایف ڈی ءِ گیشیں گیس پجاری کنگ بوتگ۔ آئی ءَ اے ھم ھال دات کہ ملکی لوٹ آناں اولیت دیگ ءِ واستہ صنعتی شوبگ ءَ ھپتگی گیس ءِ سپلائی ءَ یک روچ ءِ بدل ءَ دو روچ ءِ بندش ءِ امکان ءِ سر ءَ صنعتی اسٹیک ہولڈر آنی گوما شور ءُ سلاھ کنگ بوھگ ءَ اِنت۔ وفاقی وزیر ءَ یک رندے پدا گوشت کہ حکومت جاور ھال آنی سر ءَ نزیکی ءَ گوں چار ءُ بچار کنگ ءَ اِنت ءُ زمستان ءِ وھد ءَ گیس ءِ سپلائی ءِ استحکام ءَ را دل یکیمی کنگ ءِ واستہ صارف دوست ءُ فیصلہ کنوکیں گامگیج آناں برجاہ دار ایت۔