جہانی پاسپورٹ رینکنگ اٹی پاکستان نا 28 درجہ گچینی بھلو سرسہبی اسے، بنجائی وزیر داخلہ محسن نقوی

اسلام آباد۔ 15 جنوری (اے پی پی) بنجائی وزیرداخلہ محسن نقوی پاکستانی پاسپورٹ نا جہانی درجہ بندی ٹی نمان گچینی ءِ ملک اکن اسہ بھلو سرسہبی اس گوندانے۔ راجی رابطہ نا ویب سائٹ ’’ایکس‘‘ آ تینا اسہ بیان اسے ٹی اوپارے کہ پاکستانی پاسپورٹ نا رینکنگ 126 می آن گچین مرسا 98 می پوزیشن آ بسنے۔ محسن نقوی تینا پوسٹ اٹی نوشتہ کرے کہ پاکستانی پاسپورٹ نا رینکنگ نا 126 آن 98 می نمبر آ بننگ اسہ سوگوءُ سرسہبی اسے۔ انشاء اللہ، گچینی نا دا سفر ہندا چرجوئی اتون برجاسلک۔