مزن وزیر شہباز شریف ءِ سروکی ءَ وزارت آنی تہ ءَ سول سروسز ءِ پیش کتگیں اصلاحات ءُ کارکردگی ءِ ارزشت ءِ نظام ءِ ھوالگ ءَ سفارش آنی چار ءُ تپاسی ءِ واستہ دیوان ءِ سروکی

اسلام آباد – 14 جنوری (اے پی پی) : مزن وزیر محمد شہباز شریف ءَ سول سروس ءَ را میاں اوستمانی معیار ءِ گوما یکجا کنگ ءِ واستہ اصلاحات ءِ لوٹ کتگ ءُُ کارکردگی ءِ جائزہ ءِ یک جامع ءُُ موثر نظام ءِ جوڑ کنگ ءِ واستہ سفارشات جوڑ کنگ ءِ ہدایت کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ چار شمبے ءِ روچ ءَ مزن وزیر محمد شہباز شریف ءِ سروکی ءَ وزارت آنی تہ ءَ مجوزہ سول سروسز اصلاحات ءُ کارکردگی ءِ ارزشت ءِ نظام ءِ ھوالگ ءَ سفارشات آنی سر ءَ چار ءُُ تپاسی کنگ ءِ واستہ چار ءُُ تپاسی دیوان برجم دارگ بوتگ۔ مزن وزیر ءَ دیوان ءَ گوں گشتانک دیان ءَ گوشت کہ ملک ءِ سول سروس ءَ را میاں اوستمانی معیار ءُُ جھان ءِ تک ءِ کارکردگی ءِ گوما یکجا کنگ ءِ واستہ اصلاحات المی انت۔ آئی ءَ وفاقی سیکرٹری آنی کارکردگی ءِ ارزشت ءِ واستہ یک جامع ءُ موثر نظام ءِ سر ءَ سفارشات جوڑ کنگ ءِ ہدایت کت۔ مزن وزیر ءَ گوشت کہ سول سروسز ءِ سرجمیں گہتری ءِ واستہ جوانیں کارکردگی پیش داروکیں افسر آناں ساڑاگ سک باز المی اِنت۔ آئی ءَ ہدایت کت کہ ہمگرنچیں کمیٹی ءَ را زوتاں چہ زوت سول سروس ءِ تہا ترقی پسند بلے موثر ءُُ جامع اصلاحات ءِ ھاتر ءَ سفارش جوڑ کنگ بہ بیت۔ افسر آنی کارکردگی ءِ یک جامع جائزہ ءِ بنیاد ءَ افسر آنی واستہ پروموشن، مالی فائدگ ءُُ ایندگر ترغیبات ءِ نظام ءِ جوڑ کنگ ءِ واستہ سفارشات جوڑ کنگ بہ بنت۔ آئی ءَ گوشت کہ سول سروس اصلاحات ءِ مول ءُ مراد جوانیں سرکاری ازمت ءُ آسراتی آنی پجاری ءِ وسیلگ ءَ الس ءِ زندمان ءِ تہ ءَ ھاسیں گہتری ءَ را دل یکیمی کنگ اِنت۔ اقتصادی وشھالی ءُ چاگردی ھمگرنچی، دیمروئی ءُ وشھالی ءِ واستہ سول سروس ءِ سرجمیں اصلاحات حکومت ءِ اولی ترجی آنی تہ ءَ ھوار اَنت۔ آئی ءَ ہدایت کت کہ مجوزہ سول سروس اصلاحات ءِ تہا سول انتظامیہ ءِ اسٹیک ہولڈرز، توامیں سروسز ءُُ گروپ آنی گوما بامردیں شور ءُ سلاھ کنگ بہ بیت۔ آئی ءَ گوشت کہ سول سروس کجام ھم ملک ءِ حکومت داری ءُ السی وشھالی ءِ بنیاتی ڈھانچہ اِنت، ھاسیں سفارشات جوڑ کنگ بہ بنت تانکہ افسر آنی کارکردگی ءُ صلاحیت ءَ را استیں دور ءُُ جھان ءِ معیار آنی گوما ھمگرنچ کنگ بہ بیت۔ سول سروس اصلاحات ءِ ھاتر ءَ جوڑ بوتگیں کمیٹی ءَ را انچیں سفارشات ءِ سوج دیگی اِنت کہ آ لس آسراتی ءِ ھاتر ءَ بوت کنت، دیرپا ءُُ موثر بہ بنت۔ مزن وزیر ءَ سول سروسز اصلاحات ءِ سر ءَ کار کنوکیں کمیٹی ءَ را ہدایت کت کہ آ افسر آنی کارکردگی ءِ سرجمیں ارزشت ءِ بنیات ءَ پروموشن، مالی آسراتی ءُ ایندگر آسراتی ءِ نظام ءِ واستہ سفارشات جوڑ بہ کنت۔ مزن وزیر ءَ گیش گوشت کہ سول سروسز حکومت ءِ گہتری کار ءُ وشھالی ءِ پالیشی آنی میوہ آناں الس ءَ را سر کنگ ءِ واستہ انفراسٹرکچر ءِ کرد ءَ پیلو کنت۔ گند ءُ نند ءَ سول سروسز اصلاحات ءِ ھوالگ ءَ جوڑ بوتگیں کمیٹی ءَ مزن وزیر ءَ را انوگ ءَ تاں کتگیں مشورہ ءُ سفارش آنی ھوالگ ءَ سرپد کت۔ گند ءُ نند ءَ نائب مزن وزیر ءُ درئی کارانی وزیر محمد اسحاق ڈار، وفاقی وزیر ءِ مالیات محمد اورنگزیب، وفاقی وزیر ءِ منصوبہ بندی ءُ دیمروئی احسن اقبال، موسمیاتی بدلی ءِ وفاقی وزیر مصدق ملک، وفاقی کانود ءِ وزیر اعظم نظیر تراڑ، وفاقی وزیر اقتصادی کار احد چیمہ، مزن وزیر ءِ ھاسیں کمکار ہارون اختر، درستیں صوبہ آنی چیف سیکرٹری ءُ سیادی داروکیں سرکاری کارندہ۔