راجی ورثہ ءُ دود ءُ ربیدگ ءِ وفاقی وزیر اورنگزیب خان کھچی  ءَ اردن ءَ پاکستان ءِ نامینتگیں سفیر میجر جنرل (ر)  خرم سرفراز خان ءَ گوں گند ءُ نند کت

اسلام آباد۔14جنوری  (اے پی پی): راجی ورثہ ءُ دود ءُ ربیدگ ءِ ڈویژن ءِ وفاقی وزیر اورنگزیب خان کھچی  ءَ راجی ورثہ ءُ دود ءُ ربیدگ ءِ ڈویژن ءَ اردن ءَ پاکستان ءِ نامینتگیں سفیر میجر جنرل خرم سرفراز خان ءَ گوں گند ءُ نند کت۔ گند ءُ نند ءَ سیکرٹری راجی میراث ءُ دود ءُ ربیدگ ڈویژن ءِ سیکرٹری اسد رحمان گیلانی ھم ساڑی ات۔ گند ءُ نند ءِ تہ ءَ پاکستان ءُ اردن ءِ نیام ءَ دو نیمگی سفارتی ءُ ثقافتی سیادی آنی سر ءَ سرجمی ءَ گپ ءُ تران کنگ بوت۔ اے موہ ءِ سر ءَ وفاقی وزیر ءَ گوشت کہ حق ءِ جنگ ءَ پد جھان ءِ تک ءَ پاکستان ءَ عزت ءُ شرپ رستگ ءُ دگنیا پاکستان ءِ نیمگ ءَ شرک ءِ گوما چارگ ءَ انت۔ آئی ءَ گوشت کہ بازیں ملک پاکستان ءِ گوما سیادی ءَ را گیش مھکم کنگ ءِ واھشت مند اَنت۔ سیکرٹری راجی ورثہ ءُ دود ءُ ربیدگ اسد رحمان گیلانی ءَ گوشت کہ اردن ءَ روگ ءَ پاکستانی آنی کساس نسبتا کم اِنت ءُ اے درگت ءَ اردن ءَ پاکستانی شہری آنی واستہ ویزہ ءِ آسراتی ءِ آسراتی ءِ ضلورت اِنت۔ نامینتگیں سفیر میجر جنرل خرم سرفراز خان ءَ گوشت کہ اردن ءَ پاکستانی آنی کم بوھگ ءِ جتا جتائیں سبب است انت، البت اردن ءَ بازیں پیغمبر ءُ صحابہ آنی مزار است انت کہ پاکستانی شہری آنی مزنیں کساس ایشانی تر ءُ تاب کنگ لوٹ ایت۔ گند ءُ نند ءِ تہ ءَ دود ءُ ربیدگ ءِ کمک ءَ را دو نیمگی سیادی آناں دیمروئی دیگ ءِ یک جوانیں وسیلگ ءِ رنگ ءَ گوشگ بوت۔ نامینتگیں سفیر ءَ گوشت کہ راج آنی نیام ءَ سیادی ءِ جوڑ کنگ ءِ جوانیں وسیلگ انت، وھدیکہ پاکستان ءُ اردن ءِ نیام ءَ سیادی پاکستان ءِ جوڑی ءَ چہ است انت، ایشی ءَ را دود ءُ ربیدگ ءِ تک ءَ گیش مھکم کنگ بوت کنت۔ وفاقی وزیر ءَ گوشت کہ پاکستان ءَ جتا جتائیں ملک آنی دود ءُ ربیدگ ءِ ھپتگ دارگ بوھگ ءَ انت ءُ ھمے رنگ ءَ پاکستان ءَ اردن ءِ دود ءُ ربیدگ ءِ ھپتگ ھم برجم دارگ بوت کنت۔ سفیر ءَ پاکستانی دستکاری ءِ توسیپ کت ءُ گوشت کہ پاکستان ءِ دستکاری ھاسیں رنگ ءَ چنیوٹ ءِ دار ءِ سر ءَ جوڑ بوتگیں نفیسیں دستکاری دگنیا ءِ تہ ءَ مثالی انت۔ اے موہ ءِ سر ءَ سیکرٹری اسد رحمان گیلانی ءَ سفیر ءَ را پاکستان ءِ دمگی دستکاری ، دود ءُ ربیدگ ءُ ازمکار آنی کار ءِ بابت ءَ سرپد کت ءُ گوشت کہ اے دستکاری، آرٹ ورک ءُ اے دگہ دود ءُ ربیدگ ءِ چیز ھم اردن ءَ نمائش ءِ واستہ دیم دیگ بوت کن اَنت۔ سیکرٹری راجی ورثہ ءُ دود ءُ ربیدگ ءَ گوشت کہ پاکستان ءُ اردن ءِ نیام ءَ حکومتی تک ءَ سیادی مھکم انت بلے السی تک ءَ سیادی ءَ را گیش مھکم کنگ ءِ ضلورت انت۔ سفیر ءَ پاکستانی ورنا آنی ٹیلنٹ ءِ توسیپ کت ءُ گوشت کہ نوکیں باھند ءِ تہ ءَ کاروبار ءِ ھوالگ ءَ نوآبادیاتی ءُ ازمکاری ءِ ھیال است انت۔ گند ءُ نند ءِ گڈ ءَ سیکرٹری اسد رحمان گیلانی ءَ سوج دات کہ پاکستان ءُ اردن ءِ کمک ءَ اردن ءَ فرنیچر ایکسپو ءِ برجائی کنگ بوت کنت ایشی ءِ تہ ءَ پاکستانی چوب ءِ تراش ءُ دستی کار ءَ را جھان ءِ تک ءَ دیم ءَ آرگ بیت۔